Musanze:Abana batatu bo mu muryango umwe bishwe n’imyumbati

Yanditswe na Kanamugire Emmanuel
Kuya 21 Ugushyingo 2016 saa 01:55
Yasuwe :
0 0

Abana batatu barimo Uwamariya Jeanne d’Arc w’imyaka 10, Maniragaba Théoneste w’imyaka irindwi na Nyiramategeko Joseline w’imyaka itanu b’umuryango utuye mu Kagari ka Songa mu Murenge wa Muko, bishwe n’imyumbati bariye.

Se w’aba bana, Bazibukaryari Phocas, na we arwariye mu Bitaro bya Ruhengeri azira iyi myumbati yamuhekuye, kuri uyu wa 20 Ugushyingo 2016.

Bazibukaryi yavuze ko yayiguze ku isoko akayiteka mu gihe umugore we yari yagiye gukorera ahandi, ayisangira n’abana be, bahita batangira kubabara mu nda, bacika intege ndetse baza kuremba cyane.

Ati “ Nimugoroba nibwo batujyanye ku Kigo Nderabuzima cya Kabere na bo batwohereza hano ku bitaro ariko twahageze abana bapfuye.”

Cyiza François Regis wakurikiranaga uyu mugabo avuga ko ubuzima bwe bumeze neza kandi ko bakurikije amakuru bafite bigaragara ko abo bana bishwe n’imyumbati bariye.

Ati “Ikiriho ni uko abo bana bageze hano bapfuye ariko uyu mugabo we amaze koroherwa ndetse turamusezerera, biragaragara ko imyumbati bariye ariyo yabateye kumererwa nabi kugeza ubwo abana ibica.”

Akomeza avuga ko bibaho ko imyumbati yica kuko igira ibinyabutabire byica, agasaba abantu kujya babanza kugenzura neza amafunguro bagiye kwakira cyane bitondera imyumbati batazi ubwoko bwayo.

Uyu muryango wari ufite abana batandatu, batatu bakaba bapfiriye rimwe.

Bazibukaryi Phocas urwariye mu Bitaro bya Ruhengeri nyuma y'aho abana be batatu bishwe n'imyumbati

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244