Kwamamaza

Musanze: Abagore 46 borojwe inka, bishimira ko bavanywe mu gikari

Yanditswe kuya 15-10-2016 saa 20:58' na Jean Claude Bazatsinda


Muri gahunda y’umushinga Flow (Funding Leardership and Opportunities for Women) yo gufasha abagore kwigira bakava mu mirimo bakoraga ariko ntihabwe agaciro, abagore 46 bo mu karere ka Musanze borojwe inka bazita ‘girinka munyarwandakazi’.

Abagore borojwe izi nka ni abo mu mirenge ya Shingiro na Muko yo mu karere ka Musanze basanzwe bafashwa n’umushinga FVA binyuze muri Actionaid wo gufasha abagore bakava mu mirimo bakora mu ngo ariko ntihabwe agaciro.

Nirere Ancilla umwe muri bo yagize ati “Njye nirirwaga nkora imirimo myinshi yo mu rugo harimo guteka, kuvoma, kwita ku matungo, gutashya, gukubura n’ibindi ;nabonaga ikintu cyose ngisabye umugabo kandi hari ibyo nanjye nshobora kwibonera. Ndashimira cyane Perezida wacu Paul Kagame wahaye abagore ijambo.”

Nirere M. Gaudance na we yagize ati “Imirimo yo mu rugo yose iravuna kandi ntihabwa agaciro kuko uhora usaba; ubu natwe tugiye gutera imbere turandure imirire mibi, duhinge tweze kandi tubone n’amata duhe abana bacu. Ndashimira cyane umukuru w’igihugu uhora adutekerezaho akatuzanira abaterankunga.”

Kwizera Bosco, Umukozi wa FVA mu majyaruguru yagize ati “Abagore bamara igihe kinini mu mirimo itandukanye ariko usanga idahabwa agaciro, izi nka zizabafasha kubona amafaranga babone bimwe mu byo bakeneye.”

Umuyobozi w’akarere ka Musanze wungirije ushinzwe imibereho myiza y’abaturage, Uwamariya M. Claire yasabye aba bagore kurandura imirire mibi n’isuku nke igaragara hamwe mu miryango.

Yagize ati “Mutima w’urugo bivuze byinshi, umugore yimitse isuku mu rugo cyangwa akarwanya imirire mibi nta wamuvuguruza, icyo tubasaba ni ukugira gahunda ihamye bakimakaza umuco w’isuku mu ngo n’aho bagenda hose kandi bakarinda abana imirire mibi ibatera kugwingira.”

Akomeza asaba abagore kwitinyuka bagateza imbere imiryango yabo n’igihugu muri rusange.

Muri iyi gahunda yo gufasha abagore kwigira bakava mu mirimo idahabwa agaciro abagera kuri 540 bo muri Musanze barahuguwe, muri bo hari abahawe inka, ibigega bifata amazi, ibiti byera imbuto ndetse hari n’abubakiwe uruganda rutunganya ifu y’ibigori.

Kwizera Bosco, Umukozi wa FVA mu majyaruguru
Umuyoboizi w'Akarere ka Musanze wungirije ushinzwe imibereho myiza y'Abaturage, Uwamariya M.Claire

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved