Kwamamaza

Murangira César agiye kumurikira Abanyarwanda igitabo cye « Un Sachet d’Hosties pour Cinq »

Yanditswe kuya 6-08-2016 saa 18:10' na Karirima A.Ngarambe


Umunyarwanda César Murangira utuye mu Busuwisi mu Karere ka Fribourg, agiye kumurika igitabo aherutse gusohora yise ’Un Sachet d’Hosties pour Cinq’ (Isashi ya Ukarisitiya ku bantu batanu) yanditse avuga ku mateka ye yabayemo muri Jenoside yakorewe Abatutsi mu 1994.

Umuhango wo kumurika iki gitabo uteganyijwe tariki ya 12 Kanama 2016 kuri hôtel Hilltop and country club, saa kumi z’umugoroba, ku bufatanye na Komisiyo y’igihugu yo kurwanya jenoside, CNLG.

Murangira ukomoka mu Karere ka Gasabo mu mujyi wa Kigali yarokokeye mu Iseminari nto ya Ndera , ari kumwe n’abandi bantu batanu bicwa n’inzara baza kubona isashi yarimo Ukarisitiya, barazirya zibicira isari ari nayo nkomoko y’izina ry’iki gitabo.

Mu kiganiro yagiranye na IGIHE Murangira yavuze ko muri uyu muhango yifuza kuzaganira n’abazawitabira akamaro ko kwandika amateka y’u Rwanda bikozwe n’abanyarwanda ubwabo.

Yagize ati “Mu rwego rwo kumenyekanisha icyo gitabo naje mu Rwanda kukimurika nkazaboneraho umwanya mwiza wo kuganira n’abazaza muri uwo muhango, aho nifuza ko twazavuga ku kamaro ko kwandika amateka yacu tutayandikiwe n’abandi, ngo abazaduturukaho bikazabafashe kutagwa mu mutego w’amateka mabi u Rwanda rwaciyemo, ikindi n’ukuganira ku nzira umuntu anyuramo iyo yandika amateka atoroshye nk’aya ya jenoside.”

Murangira ashimira CNLG uburyo ishyigikiye abandika amateka kuri jenoside akaba ari muri urwo rwego azamurika iki gitabo ku bufatanye bwayo.

Soma inkuru irimo ibisobanuro birambuye Murangira yatanze mu kiganiro yagiranye na IGIHE mu Busuwisi ubwo yashyiraga ahagaragara bwa mbere iki gitabo

César Murangira, witegura kumurika igitabo cye mu Rwanda

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved