Kwamamaza

Muhima: Zimwe mu nganda n’amagaraje byafunzwe kubera umwanda

Yanditswe kuya 10-11-2016 saa 14:59' na Thamimu Hakizimana


Ubuyobozi bw’Umurenge wa Muhima mu Karere ka Nyarugenge bwafashe umwanzuro wo kuba bufunze zimwe mu nganda n’amagaraje kubera umwanda ukigaragara aho bikorera.

Inganda eshatu za Kawunga n’amagaraje atatu nibyo byafunzwe mu gikorwa cy’ubugenzuzi bw’isuku cyakozwe mu Murenge wa Muhima, kuwa Gatatu, tariki ya 9 Ugushyingo 2016.

Umunyamabanga Nshingwabikorwa w’Umurenge wa Muhima, Ruzima John, yabwiye IGIHE , ko ubu bugenzuzi bwari bugamije kureba koko niba isuku irangwa mu ngo z’abaturage batuye mu gace ayobora ari nayo iba n’aho bakorera.

Yagize ati “Nyuma yo kubona ko abaturage bacu isuku bamaze kuyigira umuco ariko aho bakorera hakirangwamo isuku nke, ni byo byatumye umurenge wacu uhaguruka ujya kugenzura mu nganda no mu magaraje n’ibinamba bihakorera uko isuku yaho yifashe.”

Yakomeje avuga ko hafunzwe inganda eshatu za Kawunga n’amagaraje atatu n’ubwo atari byo bari bagambiriye.

Yagize ati “ Twafunze inganda eshatu za kawunga n’amagaraje atatu, tunagira inama andi magaraje 20 ku byo akwiye gukosora kugira ngo nayo tutazayafunga. Hari n’abo twagiye duca amande.”

Bizimungu Théogène ufite uruganda rwa Kawunga rwafunzwe we avuga ko ubuyobozi bw’Umurenge wa Muhima bwari kubanza kumugira inama aho guhita babafungira.

Yagize ati “Ubundi njye numvaga ubuyobozi butari guhita budufungira ahubwo bwari kubanza bukatugira inama kuko murabona ko isuku yo ihari, naho ibyo kuvuga ngo abakozi bari kuba bambaye utuntu ku mazuru n’amasarubeti ntabwo twari tubizi kuko ubwo bazaga batabitubwiye.”

Biteganyijwe ko kuri uyu wa Kane, iki gikorwa cy’ubugenzuzi bw’isuku kiri bukomereze mu maresitora n’utubari n’ahacururizwa inyama.

Umunyamabanga Nshingwabikorwa w'Umurenge wa Muhima, Ruzima John, amaze gusaba ko uruganda rwa Kawunga rufungwa
Ubuyobozi bw'Umurenge wa Muhima bwageze no mu binamba bagenzura isuku yaho
Bizimungu Théogène ufite uruganda rutunganya Kawunga avuga ko batagishijwe inama mbere y'icyemezo cyo kubafungira
Aho abakozi ba zimwe mu nganda za Kawunga zafunzwe barara
Abakozi b'Uruganda rukora Kawunga bahise basohoka hanze nyuma y'ifungwa ry'uruganda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved