00:00:00 IGIHE NETWORK KN KINYARWANDA EN ENGLISH FR FRANCAIS

Muhanga: Umugabo wakubise umugore we akamumena ijisho yakatiwe gufungwa imyaka umunani

Yanditswe na IGIHE
Kuya 3 Ukwakira 2021 saa 07:39
Yasuwe :
0 0

Ku wa 30 Nzeri 2021, ku cyicaro cy’Urukiko Rwisumbuye rwa Muhanga, hasomwe urubanza Ubushinjacyaha bwari bukurikiranyemo umugabo wakubise umugore we akamumena ijisho, akaba yaranamuhozaga ku nkeke, ahanishwa igifungo cy’imyaka umunani muri Gereza, n’ihazabu y’amafaranga miliyoni ebyiri y’u Rwanda.

Uregwa yakoreye ibyaha iwe mu Mudugudu wa Kibaya, Akagari ka Kibyimba, Umurenge wa Kabacuzi, Akarere ka Muhanga, akaba yarakubise umugore we akamumena ijisho.

Uyu mugabo yari asanzwe amuhoza ku nkeke kuko yari yaranabifungiwe, akatirwa umwaka umwe muri Gereza. Uregwa bivugwa ko akunda gukubita umugore we ntacyo amuhoye, akitwaza ko abiterwa no kunywa inzoga.

Uregwa yahamwe n’ibyaha yari akurikiranyweho birimo icyo guhoza ku nkeke uwo bashyingiranywe ndetse n’icyo gukubita cyangwa gukomeretsa ku bushake uwo bashyingiranywe, biteganywa kandi bigahanishwa ingingo za 147 & 121 al.2 z’Itegeko Nº68/2018 ryo ku wa 30/08/2018 riteganya ibyaha n’ibihano muri rusange.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .