Kwamamaza

Muhanga: Umugabo akurikiranyweho kwicisha ishoka umugore we

Yanditswe kuya 16-10-2016 saa 20:21' na Rabbi Malo Umucunguzi


Umugabo witwa Ruganintwari Fulgence w’imyaka 50, afungiye kuri Sitasiyo ya Polisi ya Kiyumba mu Karere ka Muhanga, akekwaho kwica umugore we Mukashyaka Christine w’imyaka 40, amukubise ishoka mu mutwe.

Umuyobozi w’Akarere ka Muhanga, Uwamariya Beatrice, yabwiye IGIHE ko Mukashyaka yishwe ku mugoroba wo kuri uyu wa Gatandatu tariki 15 Ukwakira 2016, ahagana saa moya z’ijoro, bigakekwa ko yamuhoye imitungo y’urugo batumvikagana ku micungire yayo.

Ati “Bari bafitanye amakimbirane ashingiye ku mutungo wo mu rugo batumvikanaga ku micungire yawo. Ejo n’Umuryango wabo wari wabijemo hanyuma batandukana batumvikanye, ariko umuryango utekereza ko birangiye, biza kurangira uwo mugabo yishe umugore we.’’

Nyuma ngo imiryango imaze gutaha, nibwo Ruganintwari yafashe ishoka ayikubita umugore we mu mutwe ahita yitaba Imana.

Kuri iki Cyumweru, ubuyobozi bw’inzego z’ibanze bwahise buteranira aho ibi byago byabereye, ndetse Ruganintwari wari wamaze gutabwa muri yombi yagejejwe imbere y’abaturage yemera icyaha yakoze.

Meya Uwamariya nawe wari uri mu Murenge wa Kiyumba mu Kagari ka Budende, yavuze ko Ruganintwari yanigeze gufungirwa ibyaha bya Jenoside yakorewe abatutsi mu 1994, ariko akaza kurekurwa mu bemeye ibyaha bagasaba imbabazi, mu 2003.

Uyu muryango wari ufitanye abana batatu umukuru afite imyaka 11 umuto akagira ibiri n’igice, ndeste imiryango yahise ikorana ishakisha uko abana basigaye bazarerwa.

Amakuru kandi avuga ko umugabo yari afite abandi bana batatu yabyaye ku bandi bagore batandukanye, akajya abwira umugore we kubatangira mituweli kandi babana na ba nyina, byose bikongera amakimbirane mu rugo.

Meya Uwamariya yakomeje agira ati “Ubuyobozi bwarabimenyeshejwe ndetse ngira ngo hari hashize nk’iminsi itatu umugabo afunguwe. Umugore niwe wareze, ariko nyuma aba ariwe ugenda aravuga ngo nibamufungurire umugabo ibibazo byabo babishyire mu muryango.’’

Uyu muyobozi yahumuriza abaturage ndetse abasaba “kubana neza mu muryango, ugize ikibazo akakibwira ubuyobozi, kandi inzira yo kubana inaniranye, bashobora gutandukana kandi bakabo neza”.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved