Kwamamaza

Muhanga: Inshuti z’Umuryango zahawe telefoni z’asaga miliyoni 10

Yanditswe kuya 29-11-2016 saa 18:47' na Thamimu Hakizimana


Sosiyete y’Itumanaho ya Tigo Rwanda ifatanyije n’Inama y’Igihugu y’Abana (NCC), bahaye abakorerabushake bazwi ku zina ry’Inshuti z’umuryango’ bo mu Karere ka Muhanga na Nyanza telefoni ngendanwa na sim card bifite agaciro miliyoni zisaga 10.

Izi telefoni zahawe izo Nshuti z’Umuryango kuri uyu wa Kabiri tariki ya 29 Ugushyingo 2016, ngo zizajya zibafasha guhanahana amakuru y’ahantu hakigaragara ibibazo bibangamira uburenganzira bw’umwana.

Inshuti z’umuryango ni abakorerabushake bashyizweho na Minisiteri y’Uburinganire n’Iterambere ry’Umuryango ku bufatanye na Komisiyo y’Igihugu Ishinzwe Abana, mu rwego rwo gufasha kumenya no gukurikirana ibibazo bihungabanya uburenganzira bw’umwana mu miryango nka kimwe mu bituma bishora mu buzerezi.

Umukozi wa Komisiyo y’Igihugu ishinzwe Abana, Uwicyeza Espérance, yatangaje ko bakoze iki gikorwa kugira ngo babashe kugera ku nshingano zabo zo guhanahana amakuru y’ahantu hakiri ibibazo bibangamira uburenganzira bw’umwana.

Yagize ati “ Dufatanyije na Tigo twabahaye izi telefoni kugira ngo babashe kugera ku nshingano zabo kuko mu by’ukuri ni abakorerabushake bakora badahembwa, kugira ngo tububorohereze uburyo bw’itumanaho.”

Ruhinguka Desire ushinzwe ubucuruzi muri Tigo, avuga ko biyemeje gufatanya na NCC mu guha aba bakorerabushake telefoni bitewe n’uko n’ubusanzwe iyi sosiyete isanzwe itera inkunga ibikorwa by’iterambere bitandukanye.

Yagize ati “ Tigo twiyemeje gufatanya na NCC kuko mu nshingano dufite harimo no guteza imbere ibikorwa by’iterambere mu gihugu ndetse n’abana mu buryo butandukanye."

Umwe mu bakorerabushake witwa Mukanyandwi Rose utuye mu Kagari ka Gifumba, mu Murenge wa Nyamabuye, mu Karere ka Muhanga, yavuze ko telefoni bahawe zigiye kubafasha cyane.

Yagize ati “ Izi telefoni zigiye gukemura ibibazo byinshi kuko nahoraga nibaza niba nzajya nshyiramo amafaranga yo guhamagara yanjye nkaba ari yo mpamagaza abankuriye ku murenge, ariko kuko batubwiye ko guhamagara bizaba ari ubuntu , nishimye cyane.”

Aba bakorerabushake bitwa Inshuti z’Umuryango mu gihugu hose bagera ku bihumbi 29, aho muri buri mudugudu haba harimo babiri, umugore n’umugabo.

Inshuti z'Umuryango zahawe telefoni zo kuzifasha guhanahana amakuru
Telefoni zatanzwe zifite agaciro ka miliyoni zisaga 10 z'amanyarwanda
Uwicyeza wo muri NCC avuga ko batanze izi telefoni mu rwego rwo korohereza abo bakorerabushake mu buryo bw'itumanaho
Mukanyandwi, umwe mu bahawe telefoni yavuze ko zigiye kubafasha kuko guhamagara bizaba ari ubuntu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved