Kwamamaza

Mu myaka itanu ishize ibirego byajyaga mu nkiko byagabanutseho hafi 31%

Yanditswe kuya 23-11-2016 saa 15:05' na Ntakirutimana Deus


Urwego rw’ubutabera mu Rwanda ruratangaza ko ibirego byajyanwaga mu nkiko byagabanutse ku kigero cya 30.9% mu myaka itanu ishize, bitewe n’uko abaturage begerejwe ubufasha butandukanye bucoca ibibazo byabo bigakemurwa bitaregezwa mu nkiko.

Kuva mu mwaka wa 2011 (2011-2012) kugeza mu 2016 (2015-2016), ibirego byajyaga mu nkiko byagabanutseho hafi 30.9%.

Umuvugizi w’Inkiko mu Rwanda, Emmanuel Itamwa, yavuze ko kuva mu mwaka wa 2011-2012, ibirego byageraga mu nkiko byari 72.509, naho mu mwaka wa 2015-2016 byagabanutse bigera ku 50.102.

Itamwa yakomoje ku byatumye ibyo birego bigabanuka kuri icyo kigero.

Aganira na RBA yagize ati “Ibi rero ntabwo byikora, ahubwo ni ingamba zitandukanye zagiye zifatwa harimo nyine ishyirwaho ry’urwego rw’abunzi; mu by’ukuri bakora akazi keza cyane. Hari imanza nyinshi zakagombye kuba zararegewe inkiko ariko zigashyikirizwa abunzi bakunga abafitanye ibibazo bikarangirira aho bidashyikirijwe inkiko.”

Yakomeje avuga ko n’urwego rugira abaturage inama mu bijyanye n’amategeko (MAJ) narwo ruticaye ubusa, kuko rwafashije abaturage mu kubagira inama ku birego bimwe na bimwe byabaga bidafite ishingiro ku buryo ababaga babifite basubizaga agatima impembero bakumva ko nta mpamvu yo kurega.

Inzego z’Abunzi zagiyeho mu mwaka wa 2004 mu rwego rwo gutanga ubutabera bwunga. Bamwe mu baturage bemeza ko zibafatiye runini kuko zibafasha kudasiragira mu nkiko.

Gahunda ya Guverinoma y’imyaka irindwi kuva mu 2010 kugera muri 2017 yihaye intego ko ibirego bijya mu nkiko byagabanuka ku kigero cya 20% buri mwaka.

Abaturage bagirwa inama yo gukomeza kwizera izo nzego kuko n’ubu bigaragara ko hari abatazizera bigatuma bakomeza gusiragira mu nkiko.

Ibirego byashikirizwaga inkiko mu myaka itanu ishize byaragabanutse kubera inzego z'ubutabera zegerejwe abaturage

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved