Mu mafoto: Umunsi wa mbere w’uruzinduko rwa Perezida Kagame na Madamu muri Botswana

Yanditswe na Muvunyi Arsène
Kuya 28 Kamena 2019 saa 09:36
Yasuwe :
0 0

Perezida Paul Kagame na Madamu bari mu ruzinduko rw’iminsi ibiri muri Botswana rugamije gutsura umubano hagati y’ibihugu byombi, ayo basuye ibikorwa bitandukanye ndetse bakirwa ku meza na Perezida Mokgweetsi Masisi.

Perezida Kagame yabanje gusura ikigo gikora ibijyanye n’ubworozi butanga inyama cya FeedMaster Botswana, aho yamurikiwe imikorere n’uburyo bwo kwita ku matungo mbere yo kuyabyaza inyama zoherezwa mu mahanga.

Perezida Kagame yashimye uburyo yakiranywe urugwiro muri iki gihugu yari asuye ku nshuro ya mbere. Yavuze ko ubushake buri hagati y’ibihugu byombi bugaragaza ko nta gushidikanya ubu ubufatanye buzagera ku ntego yo guhindura imibereho y’abaturage b’ibi bihugu.

Ati “Abayobozi bacu bamaze iminsi hano bakorana na bagenzi babo mu rwego rwo gukomeza ubufatanye mu nzego z’ingenzi zizagira uruhare mu guhindura ubuzima bw’abaturage b’ibihugu byombi. Sinshidikanya ko tuzabona umusaruro muri ibi bikorwa kuko twese dufite ubushake bwo gukorera mu mucyo, kubazwa ibyo dushinzwe ndetse n’abaturage bakagira uruhare mu itarembere ryabo.”

Yavuze ko ibihugu byombi bihuriye mu Muryango wa Afurika yunze Ubumwe kandi bikomeje gukorana n’abandi banyamuryango mu kwishyira hamwe no guteza imbere uyu mugabane.

Biteganyijwe ko Perezida Kagame na Madamu basoza uru ruzinduko kuri uyu wa Gatanu.

Ibendera ry'u Rwanda naryo ryari ryazamuwe mu kwakira Umukuru w'Igihugu Paul Kagame muri Botswana
Ibendera ry'u Rwanda ryari ahantu hose, mu guha ikaze Perezida Kagame na Madamu
Perezida Kagame na Madamu Jeannette Kagame bakiriwe mu mbyino zigaragaza umuco gakondo wo muri Botswana
Perezida Kagame na Madamu Jeannette Kagame bari kumwe na Perezida Mokgweetsi Eric Keabetswe Masisi na Madamu Neo Masisi mu Mujyi wa Gaborone
Perezida Kagame na Madamu bakiriwe muri Botswana mu cyubahiro gikwiye abakuru b'igihugu
Perezida Paul Kagame yakiriwe muri Botswana na Perezida Mokgweetsi Masisi
Perezida Kagame na Madamu basuhuza abayobozi batandukanye babakiriye ku kibuga cy'indege ubwo bageraga muri Botswana
Perezida wa Botswana Mokgweetsi Masisi aganira na Perezida Kagame na Madamu Jeannette Kagame bari kugirira uruzinduko rw'iminsi ibiri muri icyo gihugu
Madamu Jeannette Kagame ari mu ruzinduko muri Botswana
Perezida Kagame ubwo yakirwaga muri Botswana mu rugendo yahatangiye ku wa 27 Kamena 2019
Perezida Paul Kagame yagiranye ibiganiro byihariye na mugenzi we wa Botswana Mokgweetsi Masisi
Perezida Paul Kagame na mugenzi we wa Botswana Mokgweetsi Masisi
Perezida wa Botswana, Mokgweetsi Masisi, yemereye Perezida Kagame ko azitabira ibirori by'Umunsi wo Kwibohora
Abakuru b'ibihugu byombi bagiranye ibiganiro byihariye byagarutse ku kunoza umubano hagati yabyo
Perezida Kagame yaherekejwe n'abarimo Minisitiri w'Ububanyi n'Amahanga w'u Rwanda, Dr Sezibera Richard
Ambasaderi Vincent Karega, ufite icyicaro muri Afurika y'Epfo, ni we uhagarariye u Rwanda muri Botswana. Aha yaganiraga na Minisitiri w'Ububanyi n'Amahanga, Dr Sezibera Richard
Perezida Paul Kagame na mugenzi we wa Botswana Mokgweetsi Masisi bahagarariye isinywa ry'amasezerano yashyizweho umukono na ba Minisitiri b'Ububanyi n'Amahanga b'ibihugu byombi
Perezida Kagame yagiranye ibiganiro byihariye n'abayobozi bo mu nzego zitandukanye
Perezida Kagame yatambagijwe ibice bitandukanye muri Botswana
Perezida Kagame yahawe ikaze muri Botswana
Perezida Kagame yari afite akanyamuneza ubwo yatambagizwaga ibice bitandukanye muri Botswana
Perezida Kagame yagiriye uruzinduko rw'akazi muri Botswana nyuma yo gusoza urwo yakoreye muri Madagascar
Perezida Kagame yatambagijwe mu kigo gikora ibijyanye n’ubworozi butanga inyama muri Botswana
Umukuru w'Igihugu yanakiriwe ku meza na mugenzi we wa Botswana
Ibi birori byacurangiwemo umuziki uryoheye ugutwi
Perezida Kagame yavuze ku birori by’impurirane yitegura birimo ubukwe bw’umukobwa we n'Umunsi wo Kwibohora
Perezida Mokgweetsi ayobora Botswana guhera muri Mata 2018
Perezida Kagame yashimye ikaze yahawe na mugenzi we wa Botswana, Mokgweetsi Eric Keabetswe Masisi

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza