Kwamamaza

Mu Gitega havumbuwe igisasu

Yanditswe kuya 6-09-2016 saa 08:29' na Ntakirutimana Deus


Mu gipangu gikoreramo urusengero The Holy Israel Church hafi y’Ikigo cy’Igihugu gishinzwe Iteganyagihe (Meteo-Rwanda) giherereye mu Mudugudu wa Gitwa mu Kagari k’Akabeza mu Murenge wa Gitega havumbuwe igisasu cyo mu bwoko bwa gerenade.

Icyo gisasu cyavumbuwe inyuma y’urwo rusengero n’abantu barimo kubaka umusarane ku gicamunsi cyo ku wa Mbere tariki ya 6 Nzeri 2016.

Abakibonye babwiye inzego z’ibanze nazo zitabaza iz’umutekano nyuma mu masaha y’umugoroba nibwo hageze abasirikare bavuga ko bagiye kureba uburyo bakijyana.

Iyo gerenade yari irambitse hejuru y’uwo musarane wubakwaga nyuma yo kuvanwa mu gitambaro cyari kiyipfunyitsemo.Uko yagaragaraga wabonaga isa n’iyashaje inyuma yarajeho umugese.

Umuvugizi wa Polisi mu Mujyi wa Kigali, SP Emmanuel Hitayezu, yavuze ko barimo gukurikirana ayo makuru ku buryo bafatanya n’inzego zibishinzwe kureba icyakorwa.

Amabwiriza yatanzwe kenshi n’inzego z’umutekano agena ko ubonye ikintu atazi, akeka ko gishobora kuba ari igisasu abigeza ku nzego zimwegereye nazo zikabigeza ku z’umutekano.

Mu gihe ahantu runaka habonetse igisasu bikurikiranwa n’ishami ry’ingabo z’igihugu rishinzwe gutegura ibisasu. Iryo shami rigizwe n’inzobere zireba igisasu runaka niba gishobora guteza ibibazo mu gihe cyakorwaho rikaba ryagiturikiriza aho, mu gihe risanze nta kibazo rikaba ryagitwara kikajyanwa ahabugenewe.

Iyo gerenade yavumbuye inyuma y'urwo rusengero

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved