Kwamamaza

Mu 2025, imyubakire y’akajagari izaba yaracitse mu Mujyi wa Kigali

Yanditswe kuya 27-09-2016 saa 21:43' na Emma-Marie Umurerwa


Ubuyobozi bushinzwe imiturire n’imyubakire mu Mujyi wa Kigali, butangaza ko mu mwaka wa 2025, imyubakire y’akajagari izaba yaracitse burundu mu Mujyi wa Kigali.

Mugisha Fred, ushinzwe ishami ry’imyubakire yabitangaje kuri uyu wa 27 Nzeri 2016, Ikigo cy’isoko ry’imari n’imigabane (Capital Market Authority/CMA) cyamurikaga inyigo yakozwe ku bijyanye no gushora imari mu mishinga yo kubaka inzu zo guturamo ziciriritse.

Mugisha yagize ati “Inyigo yagiye ikorwa, igaragaza ko 70 % by’abatuye mu Mujyi wa Kigali batuye mu kajagari, hagati y’umwaka wa 2011- 2014, bakaba bari 67 %. Mu gishushanyo mbonera cy’Umujyi wa Kigali duteganya ko muri 2025 akajagari kazaba kacitse burundu, ariko no muri ‘Vision 2020’ turi guharanira kukagabanya.”

Yakomeje avuga ko abantu batuye mu kajagari, ari abatuye mu tuzu duto.

Umushoramari azubaka inzu ndende ku buryo ahantu hari hatuye abantu ibihumbi 30 azahatuza ibihumbi 80, abazaba batanze ubutaka bwo kubakaho bazahabwa izo nzu ku buntu, izindi zigurishwe.

Umuyobobozi w’Ikigo cy’isoko ry’imari n’imigabane,Robert Matua, yavuze ko inyigo yakozwe igaragaza ko gushora imari mu kubaka inzu ziciriritse byashoboka kandi byakemura ibibazo by’imyubakire yo mu kajagari.

Yagize ati “Ni inyigo itanga icyizere ko ubutaka bunini buhari butuweho mu tujagari buzabyazwa umusaruro. Ni byo koko umujyi wa Kigali ufite igishushanyo mbonera giteguye neza.Ikigo cy’isoko ry’imari n’imigabane kizazana ishoramari rirambye mu buryo bw’amafaranga.”

Yakomeje avuga ko kuba iki kigo mu Rwanda ari bwo kikivuka, ari imwe mu mbogamizi bafite, ariko ngo mu bindi bihugu nko muri Leta Zunze Ubumwe z’Amerika, yagize uruhare mu gutuza abantu.

Ubwo Ikigo cy'Isoko ry'Imari n'Imigabane cyamurikaga inyigo yo kubaka inzu ziciriritse mu Mujyi wa Kigali
Abakurikiranye iki gikorwa

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved