MTN yatangije icyumweru cyahariwe kwita ku bakiriya

Yanditswe na Ishimwe Israel
Kuya 5 Ukwakira 2016 saa 10:44
Yasuwe : XX
0

Sosiyete y’Itumanaho ya MTN yatangije serivisi zo kwita ku bakiriya hirya no hino ku mashami yayo, mu rwego rwo gushimira no kwegera abakoresha umurongo wayo bamaze kugera kuri miliyoni enye mu gihugu.

Icyumweru cyo kwita ku bakiriya ni igikorwa ngarukamwaka ,MTN itegura kugira ngo abakiriya bayigane, bisanzure kandi babashe kumenya byinshi kuri Serivisi itanga.

Atangiza ku mugaragaro iki cyumweru ku wa Mbere tariki ya 3 Ukwakira 2016, Umuyobozi ushinzwe ubucuruzi muri MTN, Yvonne Manzi Makolo yatangaje ko cyahariwe kuzirikana agaciro k’umukiriya.

Yagize ati “Mu bucuruzi, ni ingenzi kuri twe guha agaciro abakiriya bacu. Muri iki cyumweru , ubuyobozi bwa MTN buzegera abakozi bo ku mashami yayo mu gutanga serivisi, kungurana ibitekerezo no kumva abakiriya, hagamijwe kubashimira no kumva icyo bavuga ku bicuruzwa byacu ndetse na serivisi dutanga.”

Makolo yakomeje agira ati “ Gutanga serivisi nziza ni ingenzi mubyo dukora byose. Iki ni ikindi kintu cyerekana ubushake bwacu mu guteza imbere umukiriya no gutuma abaho neza nk’uko intego twihaye ibigaragaza.”

Makolo yongeyeho ati “ Abakiriya bacu nibo batuma ikigo cyacu gikomeza gutera imbere uko imyaka igenda ishira, niyo mpamvu muri iki cyumweru tuzakomeza kubagaragariza ko tubashimira .”

Umukiriya ushaka kugira icyo amenya kuri MTN agana ishami rya MTN rimwegereye, akavugana n’abakozi imbonankubone kandi akabona igabanyirizwa ridasanzwe ryashyizweho muri iki cyumweru.

Muri iki cyumweru abakiriya ba MTN bahamagariwe kwitabira imurikabikorwa ndetse n’ibiganiro bizakorwa ku mashami ya MTN hirya no hino mu gihugu, bashyiriweho igabanuka kandi rya 5% ku bicuruzwa bimwe na bimwe ndetse n’impano zitandukanye.

Yvonne Manzi Makolo atangiza ku mugaragaro icyumweru cyahariwe kwita ku bakiriya
Yvonne Makolo ashyikiriza impano umwe mu bakiriya ba MTN
Abakozi ba MTN mu muhango wo gutangiza icyumweru cyahariwe kwita ku bakiriya
Umuyobozi ushinzwe kwamamaza ibikorwa bya MTN Rwanda, Alain Numa, ashimangira ko MTN izarushaho kunoza serivisi iha abakiliya bayo
MTN yatangije icyumweru cyo gushimira abakiriya bayo igihe bamaranye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza