Kwamamaza

MTN Rwanda yagabanyije igiciro ku bari muri Amerika

Yanditswe kuya 23-09-2016 saa 20:18' na Jean Pierre Tuyisenge


Guhamagara muri Amerika cyangwa uriyo ugahamagara mu Rwanda , MTN Rwanda yabyoroheje ibishyira ku mafaranga 60, igiciro kandi na none gishya ku muntu uhamagarwa ari muri iki gihugu kigiye kuberamo Rwanda Day .

MTN Rwanda yatangaje ko yagabanyije igiciro cyo guhamagara no guhamagarwa ku muntu uri muri Leta Zunze Ubumwe za Amerika muri iki gihe abanyarwanda b’imihanda yose berekeje i San Fransisco ahagiye kubera Rwanda Day.

Ibiciro bishya bya MTN bigena ko umuntu uri mu Rwanda ashobora guhamagara muri Amerika ku mafaranga 60, uhamagawe nawe akaba ariyo yishyura kimwe n’uriyo ashaka guhamagara mu rwa Gasabo.

Iri gabanywa kandi ryageze no ku gukoresha Internet kuko abari muri Amerika bashobora gukoresha amafaranga 60 kuri Megabyte (MB) imwe.

Umuyobozi ushinzwe ubucuruzi muri MTN, Teta Mpyisi yatangarije IGIHE ko impamvu y’iri gabanywa ari uko MTN yifuza ko abanyarwanda bazabasha guhamagarana na bagenzi babo baba abazaba bari muri Rwanda Day n’abazaba basigaye mu Rwanda.

Yagize ati “ Iyi ni impano twifuje guha Abanyarwanda kugira ngo bazabashe guhamagarana na bagenzi babo bazaba bari muri Leta Zunze Ubumwe z’Amerika muri iki gihe cya Rwanda Day.”

Yavuze kandi ko iri gabanywa ritazahita rihagarara kuko ngo bifuza ko abakoresha umurongo wa MTN bazakomeza kuryoherwa n’iri gabanywa no mu minsi iri imbere.

Ni ubwambere habaye igabanywa ry’ibiciro byo guhamagara ringana ritya kuko ubusanzwe guhamagara muri Leta Zunze ubumwe za Amerika byageraga ku mafaranga 120 ku munota, gusa MTN yashyizeho uburyo umukiliya agura ipaki yo guhamagarayo ku mafaranga 1000 akabona iminota 30.

Abanyarwanda batari bake n’inshuti z’u Rwanda zamaze kugera mu mujyi wa San Fransisco ahagiye kubera Rwanda Day izibanda cyane ku guteza imbere umuco nyarwanda.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved