Kwamamaza

MTN mu bigo byahize ibindi muri EXPO 2016(Amafoto)

Yanditswe kuya 12-08-2016 saa 18:33' na Mukaneza M.Ange


Nyuma y’iminsi igera kuri 13 imurikagurisha mpuzamahanga ribera i Gikondo, ku nshuro yaryo ya 19 ryitabiriwe n’abamurika 441 risozwa hatangwa ibihembo ku bahize abandi mu kunoza imitangire ya zerivisi mu byiciro bitandukanye.

Muri iri murikagurisha ryatangiye ku itariki ya 27 Nyakanga rigasozwa kuwa 11 Kanama 2016, igihembo kiruta ibindi cyegukanywe na African Hope Ltd, yakurikiwe na RwandAir na Bralirwa.

Igihembo kigenewe ikigo cyahize ibindi mu kugaragaza udushya cyegukanywe na S-Mate ltd mu gihe Banki y’abaturage, BPR yo yegukanye igihembo nyamukuru mu kwakira neza abayigana.

Uko barushanyijwe mu kumurika neza muri Expo 2016

1.Ubucuruzi busanzwe:

Engen yaje ku mwanya wa mbere,UNILEVER irayikurikira na ho Movit izigwa mu ntege.

2. Ubuhinzi n’ubworozi:

Umwanya wa mbere wegukanywe n’Ikigo cy’igihugu gishinzwe kohereza mu mahanga ibikomoka ku buhinzi n’ubworozi, NAEB yakurikiwe n’Inyange Industries.

3. Serivisi z’imari:

Amabanki: KCB yabaye iya mbere ikurikirwa na I&M Bank na ho Ikigega cy’ingwate (BDF) iza ku mwanya wa gatatu.

Ubwishingizi na serivisi rusange (umutekano, ubwikorezi, itangazamakuru n’uburezi): Ikigo cy’igihugu gishinzwe ubuzima, RBC cyahize ibindi, gikurikirwa na UAP na RSSB.

4. Ikoranabuhanga: MTN yahize ibindi bigo ikurikirwa na ISPA (itanga serivisi za interinet) na DY Solutions

5.Gutunganya ibikoresho: Ameki color yabaye iya mbere ikurikirwa na Trust Industries Ltd.

6. Kwakira neza abakiliya(Best customer service): BPR yahize ibindi bigo ikurikirwa na Capital Market na BRD.

7.Uwagaragaje udushya kurusha abandi: S-Mate Group ltd.

8. Gufata neza abakiliya(Hospitality): Entreprise Urwibutso yahize abandi ikurikirwa na 1000 Hills.

9. Igihugu cy’ amahanga cyahize ibindi: Kenya yaje ku isonga, Pakistan iba iya kabiri, Misiri iba iya gatatu.

10. Igihembo nyamukuru: African Hope Ltd yahize ibindi bigo byose, ikurikirwa na RwandAir, Bralirwa iza ku mwanya wa gatatu.

Imurikagurisha ry’uyu mwaka ryari rifite umwihariko wo kuba byinshi mu byamuritswe byari byiganjemo ibikorerwa mu Rwanda mu rwego rwo guteza imbere gahunda ya ‘Made in Rwanda’.

Umubare w’abamurika muri rusange wariyongereye cyane kuko bari 441 barimo abanyarwanda 271 n’abanyamahanga 170, mu gihe umwaka ushize bose hamwe bari 408 gusa.

Umubare w’abasuye na wo wari ushimishije kuko bari hagati y’ibihumbi 10-15 mu minsi isanzwe n’ibihumbi 20-25 mu mpera z’icyumweru.

Minisitiri y'Ubucuruzi n'Inganda,François Kanimba ashyikirizwa igihembo cyagenewe Minisiteri ayobora
Abahagarariye MOVIT bakira igihembo cyagenewe iki kigo
MTN yahize ibindi bigo by'itumanaho itahana igihembo nyamukuru muri uru rwego
RDB na yo iri mu bigo byashyikirijwe igihembo cyo kwitwara neza mu imurika rya 2016
Gasamagera ashyikiriza abakozi ba RSSB igihembo cy'uko yaje mu bigo by'ubwishingizi byitwaye neza muri Expo 2016
African Hope ishyikirizwa igihembo yatsindiye
Umuyobozi mukuru w'Uurugaga rw'Abikorera, Gasamagera Benjamin
Abahagarariye ISPA bashyikirizwa igihembo cyayo
Abakozi ba BPR bishimira igihembo bahawe
Abaturutse muri Kenya bashyikirizwa igihembo cyabo n'Umuyobozi wa RDB, Fancis Gatare
Akanyamuneza kari kose abayobozi ba I&M Bank bashyikirizwa igihembo
Eric Rutabana ushinzwe ubucuruzi muri BPR ashyikirizwa igihembo na Francis Gatare
KCB Bank ishyikirizwa igihembo cyayo n'umuyobozi wa PSF, Benjamin Gasamagera
Umuvugizi wa Minisante, Malic ashyikirizwa igihembo cya RBC
Umuyobozi wa DY Solutions, Serge Rusagara ashyikirizwa igihembo

[email protected]

Amafoto: Mahoro Luqman


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved