Mobisol yashyizeho poromosiyo izafasha abakiliya bashya kwinjira mu 2020 nta curaburindi

Yanditswe na Iradukunda Serge
Kuya 18 Ugushyingo 2019 saa 09:58
Yasuwe :
0 0

Ikigo gikwirakwiza Ingufu zikomoka ku mirasire y’Izuba (Mobisol) cyashyize igorora abakiliya bacyo bashya aho kizabasha kugura umurasire bakinjira mu mwaka mushya nta curaburindi ndetse bakaboneraho gutombora ibikoresho bitandukanye.

Mobisol ibinyujije muri poromosiyo yise ‘Noheli iwacu na Mobisol’ umukiliya mushya uzagura umurasire hagati y’italiki ya 19 Ugushyingo 2019 na 19 Gashyantare 2020 uretse kuva mu kizima azabasha gutsindira ibihembo birimo televiziyo, telefoni zigezweho, imipira yo kwambara, ingofero na moto nk’igihembo nyamukuru.

Umuyobozi ushinzwe Ubucuruzi muri Mobisol, Butoyi Blaise, yavuze ko iyi poromosiyo ije nk’uburyo bwo kurushaho kwita ku bakiliya no gufasha umubare munini kuva mu icuraburindi.

Yagize ati “Poromosiyo icyo iba igamije ni ukwita ku bakiliya bacu, hari abantu bashobora kuba badafite imirasire ya Mobisol. Iyi poromosiyo izatuma bava mu icuraburindi bagere ku murasire wa Mobisol, babashe kubona amakuru hirya no hino.”

Umukiliya azajya yinjira muri iyi tombola igihe aguze umurasire mushya, azajya asanga ku ikarito agapapuro bomora maze agashishure asangemo umubare wa tombora.

Nyuma yo kubona uwo mubare azajya ajya ahandikirwa ubutumwa bugufi muri telefoni yandike ijambo ‘Noheli’ asige akanya ashyiremo umubare wo kwishyuriraho asige akanya yandike wa mubare w’ibanga washishuye ubundi yohereze kuri 2345 Mobisol izajya ihita imwoherereza izina ry’igikoresho yatomboye.

N’ubwo iyi tombola igenewe abakiliya bashya, abasanzwe na bo Mobisol ntiyabibagiwe kuko uzajya uzana umushya azajya ahabwa 20 000 Frw nka komisiyo.

Ku mpera z’iyi poromosiyo buri mukiliya wese waguze umurasire mushya ndetse akanatombora azaba afite amahirwe yo gutsindira moto ari nayo gihembo nyamukuru.

Mobisol-Rwanda iha Abanyarwanda ibikoresho byiganjemo televiziyo, amatara n’ibindi cyane cyane ababa ahataragera umuriro w’amashanyarazi.

Mobisol yashinzwe mu 2011, akaba ari kompanyi ifite abakozi barenga 500 ndetse n’abanyakabyizi babarirwa mu 1,200. Mobisol ikorera muri Tanzania, u Rwanda no muri Kenya kandi imaze gushyira imirasire y’izuba mu ngo zirenga 150,000, igatanga ingufu zisukuye kandi zizewe ku bantu barenga 750,000 mu gice cyo munsi y’Ubutayu bwa Sahara.

Ikigo Mpuzamahanga cy’Ingufu gitangaza ko miliyoni zirenga 600 z’abantu zitagerwaho n’amashanyarazi muri Afurika kandi mu 2030 uyu mugabane uzaba ufite 80% by’abantu bakoresha ingufu zisubiramo ku Isi.

Mobisol niyo yatangije urwego rutanga umuriro ukomoka ku mirasire y’izuba ndetse igeza serivisi ku Banyafurika bafite amikoro make n’ubucuruzi buciriritse sisiteme z’imirasire y’izuba zimeze neza, zizewe kandi zihendutse ugereranyije no gukoresha peteroli cyangwa inkwi.

Muri Nzeri 2019, Mobisol yaguzwe na ENGIE ifite abakiliya barenga miliyoni 2.5 bakoresha imirasire mu ngo na microgrids zo mu bice batuyemo.

Mobisol igiye gutangiza Poromosiyo yise ‘Noheli iwacu na Mobisol’ izaha amahirwe abakiliya bashya gutsindira ibihembo bitandukanye
Umukozi wa Mobisol, Umuraza Yvonne, yavuze ko abakiliya basanzwe na bo batibagiranye kuko uzajya azana umushya azajya ahabwa igihembo cya 20 000 Frw
Umuyobozi wa Mobisol, Kanimba Sylvie, yavuze ko iyi poromosiyo igenewe abakiliya bashya mu rwego rwo kurushaho kubegereza serivisi zibavana mu icuraburindi
Butoyi Blaise yavuze ko 'Noheli iwacu na Mobisol' izafasha abatari bayizi kuva mu icuraburindi
Abayobozi n'abakozi ba Mobisol bahize ko mu 2024 ku bufatanye n'ibindi bigo nta rugo ruzaba rukirimo icuraburindi nkuko biri mu cyerekezo cy'u Rwanda

Amafoto: Dushimimana Ami Pacifique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza