Miss Iradukunda Liliane yatunguye abakiliya ba Cogebanque anabagenera impano (Amafoto)

Yanditswe na Uwiduhaye Theos
Kuya 23 Ukwakira 2018 saa 08:40
Yasuwe :
0 0

Nyampinga w’u Rwanda 2018, Iradukunda Liliane, yatunguye abakiliya b’amashami atandukanye ya Cogebanque arimo n’irya Nyabugogo, abaha impano ndetse abakangurira kwitabira gukoresha ikoranabuhanga mu kugera kuri serivisi z’iyi banki.

Ku wa Gatanu w’icyumweru gishize Miss Iradukunda yatunguye aba bakiliya, ubwo yari muri gahunda yo kumenyekanisha uburyo bw’ikoranabuhanga Cogebanque igeza ku bayigana binyuze mu bukangurambaga bwiswe ‘Sirimuka’.

Akigera ku ishami rya Nyabugogo abantu batandukanye baje kumureba, bamwe bakajujura bavuga ko ’bajyaga bamubona mu binyamakuru none amahirwe akaba abasekeye bakamwibonera imbona nkubone’.

Yaganirije abakiliya ba Cogebanque abashishikariza gukoresha ikoranabuhanga rizabafasha kutagendana amafaranga yabo mu mifuka, kuko usanga byongera ibyago byo kuba yakwibwa.

Miss Iradukunda yavuze ikoranabuhanga ari uburyo bwiza buzafasha Abanyarwanda gusirimuka no kugendana n’igihe, rikabarinda gutakaza umwanya ku mirongo bategereje amafaranga kuri banki.

Mu buryo butandukanye abakiliya ba Cogebanque bashobora kubonamo serivisi zayo bakoresheje ikoranabuhanga harimo Internet Banking, igufasha kugenzura ibikorerwa kuri konti yawe, kohereza no kwakira amafaranga, guhemba abakozi n’ibindi.

Hari kandi porogaramu ya telefoni izwi nka “Coge mBank”, ifite umwihariko wo kuba n’utari umukiliya wa Cogebanque ashobora kuyikoresha mu kohereza no kwakira amafaranga, binyuze mu gufungura konti y’igihe gito (express account).

Abatunze telefoni zisanzwe n’abadafite Internet bashobora kubona izi serivisi banyuze ku *505#.

Cogebanque kandi itanga amakarita yo kubikuza no guhahisha ya MasterCard arimo; Debit, Credit na Prepaid cards afite umwihariko wo kuba ashobora gukoreshwa mu bihugu hafi ya byose byo ku Isi.

Miss Iradukunda asoje gusobanurira abakiriya ibijyanye n’ubu bukangurambaga yatanze impano zirimo imitaka ku bagore bafite abana bari baje kuri iyi banki, bagira ibyishimo by’ikirenga bamaze gufata ifoto y’urwibutso bari kumwe na we.

Mukamwezi Speciose umaze imyaka itanu akorana na Cogebanque, yabwiye IGIHE ko kuba yahuye na Nyampinga w’u Rwanda byamushimishije, biba agahebuzo ubwo yamuhaga umutaka.

Ati “Nishimye cyane. Ubundi najyaga mubona kuri televiziyo ariko kuba mubonye amaso ku maso ni byiza cyane. Ndabwira abana banjye ko nifotoranyije na Miss Rwanda kuko numvise binshimishije, anangana nabo.”

Yakomeje avuga ubu buryo bwose Nyampinga w’u Rwanda, yamukanguriye gukoresha ari bwiza ndetse nawe akaba yemeza ko agiye gutangira ‘Gusirimuka’ yifashishije iyi gahunda.

Abana bari bagiye ku ishuri babanza kuza kwirebera Miss Rwanda bajyaga bumva
Benshi baje kwirebera Nyampinga w'u Rwanda Iradukunda Liliane
Ab'inkwakuzi bamukoze mu ntoki
Afatanyije n'abakozi ba Cogebanque basobanuriye abantu uburyo bwa Sirimuka
Ari gusuhuza abari ku ishami rya Cogebanque riri Nyabugogo
Miss Iradukunda yari afite akanyamuneza
Miss Rwanda ari kuganiriza abakiliya ba Cogebanque
Miss Rwanda yahaye impano y'imitaka bamwe mu bagore bari aho
Mukamwezi Speciose umaze imyaka itanu akorana na Cogebanque yishimiye by'ikirenga guhura na Miss Rwanda wanamuhaye impano
Sirimuka izafasha abantu kutagendana amafaranga

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza