Minisitiri wo muri Sierra Leone yaje kwigira ku Rwanda imiyoborere yegerejwe abaturage

Yanditswe na Ishimwe Israel
Kuya 21 Nzeri 2016 saa 10:51
Yasuwe :
0 0

Minisitiri w’Ubutegetsi bw’Igihugu n’Iterambere ry’Icyaro muri Sierra Leone, Maya Moiwo Kai Kai n’Intumwa ayoboye, bari mu Rwanda mu ruzinduko rw’iminsi 14, aho baje kwiga uburyo imiyoborere yegerejwe abaturage.

Ku munsi wa kabiri w’uruzinduko rwabo, kuri uyu wa Gatatu, izo ntumwa zasuye Minisiteri y’Ubutegetsi (MINALOC), aho baganirijwe ku bunararibonye bw’u Rwanda mu myaka 15 rumaze rushyize mu bikorwa politiki y’imiyoborere yegerejwe abaturage.

Iri tsinda riturutse muri Sierra Leone riyobowe na Minisitiri, Maya Moiwo Kai Kai, rije mu Rwanda nyuma y’icyumweru kimwe hatangijwe ukwezi kw’imiyoborere myiza, aho abayobozi bo mu nzego zo hejuru bashyikirana n’abaturage mu gukemura ibibazo ndetse no kuganira kuri gahunda z’iterambere rirambye kuri bose.

Insanganyamatsiko y’Ukwezi kw’Imiyoborere myiza muri 2016 kwatangiye kuwa 14 Nzeri 2016, igira iti "Imiyoborere ishingiye ku muturage, inkingi y’iterambere rirambye."


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza