Kwamamaza

Minisitiri Mushikiwabo yitabiriye inama yiga ku mutekano ibera mu Bushinwa

Yanditswe kuya 2-11-2016 saa 15:59' na Cyprien Niyomwungeri


Minisitiri w’Ububanyi n’Amahanga w’u Rwanda akaba n’Umuvugizi wa Guverinoma, Louise Mushikiwabo, ari i Beijing mu Bushinwa aho yitabiriye inama ngarukamwaka yiga ku mutekano mpuzamahanga izwi nka ‘Munich Security Conference’.

Iyi nama y’iminsi ibiri yatangiye kuri uyu wa Gatatu tariki 2 Ugushyingo 2016, iriga ku bibazo by’umutekano mu burasirazuba bw’Isi, uruhare rw’u Bushinwa mu mutekano mpuzamahanga n’ibindi.

Minisitiri Mushikiwabo yitabiriye iyi nama ku butumire bwa Ambasaderi Wolfgang Ischinger uyobora iri huriro ry’umutekano kuva muri 2008, ngo atange ikiganiro ku bijyanye n’uruhare rw’ibihugu, imiryango mpuzamahanga na sosiyete sivile mu guharanira ko Isi yabaho itekanye.

Iri huriro ryatangiye kubaho muri 2009, ryungurana ibitekerezo ku bibazo bizitiye politiki y’umutekano mpuzamahanga.

Mu kiganiro yahaye abitabiriye iyo nama, Minisitiri Mushikiwabo yagarutse ku ruhare rw’u Bushinwa mu kubungabunga umutekano ku Isi avuga ko ari ingenzi kandi bizatuma amakimbirane akemurwa akanirindwa.

Yagize ati “Umusanzu w’u Bushinwa mu kubungabunga amahoro, ni ikintu cyiza. Kugira uruhare mu kugarura amahoro ni ingenzi mu buryo budasubirwaho. Kwirinda amakimbirane n’ibikorwa bigendanye n’umutekano bikeneye ko u Bushinwa bubigiramo uruhare runini kuko bizatuma tubasha gukemura amakimbirana no kuyirinda.”

Ambasaderi Wolfgang Ischinger yavuze ko hakenewe ubufatanye kuko ibibazo byugarije umutekano muri iyi minsi bikomeje kwiyongera kandi bikagera ku bihugu byose.

Yagize ati “Kuri ubu hari amakimbirane akomeye n’intambara za gisivili mu Burasirazuba bw’Isi, ibikorwa by’iterabwoba no kwaguka kw’ibyaha bikorerwa mu ikoranabuhanga, ibyo bibazo mu mutekano bigera no ku Bushinwa. Niyo mpamvu tugomba gushaka uburyo bwo kongera ubufatanye.”

Iyi nama yitabiriwe n’abandi bayobozi bakomeye barimo Araz Azimov, Minisitiri wungirije w’Ububanyi n’Amahanga akaba n’Umujyanama mu by’umutekano wa Azerbaijan, Ambasaderi Sorin Ducaru, Umunyamabanga wungirije w’Umuryango wo gutabarana ,NATO ushinzwe iby’umutekano, Lassina Zerbo, Umunyamabanga Nshingwabikorwa w’umuryango ushinzwe kubahiriza amasezerano yo guhagarika ibisasu by’ubumara, n’abandi bayobozi bakuru mu Bushinwa.

Kuva mu 2009 iyi nama iganira ku mbogamizi mu mutekano, igahuza abayobozi bakuru muri politiki, abacuruzi, abarimu n’abashakashatsi ba za Kaminuza na Sosiyete sivile. Imaze kubera mu mijyi itandukanye irimo Washington, D.C, Moscow, Beijing, Doha, New Delhi, Vienna, Tehran, Addis Ababa na Beijing.

Mushikiwabo yagarutse ku ruhare rw'u Bushinwa ku mutekano w'Isi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved