Kwamamaza

Kaboneka yamaze impungenge abanyamakuru batinya kuvuga ibitagenda mu Rwanda

Yanditswe kuya 8-11-2016 saa 08:38' na Philbert Hagengimana


Minisitiri w’Ubutegetsi bw’Igihugu, Francis Kaboneka yamaze impungenge abanyamakuru bagira impungenge zo kuvuga ibitagenda mu Rwanda, ababwira ko ubivuze agamije kubaka ntawe utamushyigikira.

Ibi yabigarutseho kuri uyu wa Mbere tariki ya 7 Ugushyingo mu birori byo kwizihiza Umunsi Nyafurika w’Itangazamakuru, wahuriranye n’ifungurwa ku mugaragaro ry’Inama ya munani y’Umushyikirano ku Itangazamakuru mu Rwanda.

Muri uyu muhango kandi hanabayeho umwanya wo gusuzuma imihigo y’Impamyabigwi, Intore z’Abanyamakuru.

Mu ijambo rye, Minisitiri Kaboneka yashimye Impamyabigwi imbuto zerera Abanyarwanda nyuma y’igihe kitari kinini bavuye mu Itorero, aboneraho kubamara impungenge ku bavuga ko mu Rwanda hari abagitinya kuvuga ibitagenda bakeka ko hari ibibazo bahura na byo.

Ati “Hari abajya bagira ikibazo ngo abanyamakuru baravuga ibitagenda, kuvuga ibitagenda rwose bigamije kubaka nagira ngo mbabwire ngo ibyo abantu barabishyigikiye, mukomereze aho. Gutunga agatoki muti hariya ntabwo ibintu bigenda neza munatanga inama z’uko byakosorwa, ahubwo mutabikoze ni byo twabagayira. Kubikora rero bifite icyo bivuze, kandi mukomereze aho, ikibi cyaba kubeshya cyangwa guhimba, cyangwa se kuvuga ugamije gusenya utagamije kubaka cyane cyane udashyize imbere inyungu rusange imbere y’izindi.”

Minisitiri Kaboneka yavuze ibi nyuma y’aho Ikigo cy’Igihugu cy’Imiyoborere, RGB,cyari kimaze gushyira ahagaragara ubushakashatsi bwakozwe ku bipimo by’iterambere ry’itangazamakuru ryo mu Rwanda, bigaragaza ko ryateye imbere ho 8.9% kuva mu myaka itatu ishize.

Ubwo bushakashatsi bwakozwe habazwa abantu bagera ku 3000 mu gihugu hose barimo abanyamakuru, abacuruzi, abo mu miryango itari iya leta ndetse na sosiyete sivile.

Minisitiri w’Ubutegetsi bw’Igihugu, Francis Kaboneka n'Umuyobozi wa RGB, Prof. Shyaka Anastase

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved