Kwamamaza

Minisitiri Busingye yahaye umukoro Abahesha b’Inkiko barahiye

Yanditswe kuya 4-10-2016 saa 14:54' na Jean Pierre Tuyisenge


Minisiteri y’Ubutabera yasabye abahesha b’inkiko baba ab’umwuga n’abatari ab’umwuga barahiye uyu munsi gukorana ubunyangamugayo n’Umutimanama bubahiriza amategeko yagenwe.

Minisitiri w’Ubutabera akaba n’Intumwa Nkuru ya Leta, Jonhston Busingye yabibasabye mu muhango wo kwakira indahiro z’abagera ku 150 barimo ab’Umwuga n’abatari ab’Umwuga n’abanoteri 5, kuri uyu wa Karibi tariki ya 4 Ukwakira 2016.

Minisitiri Busingye yibukije abarahiye kumenya ko iyo umuturage arangirijwe urubanza ari bwo aba abonye ubutabera nyakuri.

Yagize ati “ Abahesha b’Inkiko baba ab’Umwuga cyangwa abatari ab’Umwuga musabwa gufasha Leta kugera ku ntego yihaye ijya kubashyiraho kandi murushaho kuba inyangamugayo no gukurikiza amategeko.”

Minisitiri Busingye kandi asaba abahesha b’inkiko b’Umwuga kurushaho guhesha agaciro umurimo wo kurangiza imanza, batareba cyane cyane igihembo bahabwa, ahubwo bareba umusaruro uvamo.

Itegeko riteganya ko umuhesha w’inkiko w’Umwuga ahabwa igihembo gihwanye n’amafaranga atarenze ibihumbi 500, gusa Perezida w’urugaga rw’abahesha b’inkiko Me. Habimana Vedaste avuga ko hari igihe ubuke bw’aya mafaranga buba imbogamizi bitewe n’imvune bahura na zo.

Yagize ati “Iki gihembo ni gito kuko ubona ko kirengagiza imvune ikomeye y’abahesha b’inkiko, bitewe n’uburemere bw’urubanza akurukirana bishobora kutamugendekera neza.”

Ahabesha b’Inkiko batari ab’umwuga basabwe kutagira igihembo na Kimwe bakira kivuye k’uwo barangiriza urubanza cyane ko ngo gifatwa nka ruswa.

Umuyobozi w’Ishami rishinzwe kwegereza ubutabera abaturage muri Minisiteri y’Ubutabera, Yankurije Odette, yagize ati “ Abahesha b’Inkiko batari ab’umwuga ntibakwiye kwakira igihembo icyo ari cyo cyose kuko ibyo bakora ni inshingano ziza ziri mu kazi kabo gasanzwe.”

Minisiteri y’Ubutabera yasabye n’abanoteri gukorana ubunyangamugayo n’ubushishozi mu kazi kabo cyane ko ngo bafite inshingano zo kwemeza inyandiko n’ibyangombwa bitandukanye by’abaturage.

Kugeza ubu iyi Ministeri ibarura abahesha b’inkiko b’umwuga barenga 400, abatari ab’Umwuga 2627 ni ukuvuga Abanyamabanga Nshingwabikorwa b’uturere 30, ab’Imirenge 416, ab’Utugari 2,147, abo muri Minisiteri y’Ubutabera 3, umwe wo k’u rwego rw’Umuvunyi na 30 bo muri MAJ; bose hamwe bakaba 3027 hatabariwemo abo mu magereza n’ababihabwa n’amategeko agenga ibigo bakorereramo.

Minisitiri w’Ubutabera akaba n’Intumwa Nkuru ya Leta,Jonhston Busingye mu muhango wo kurahiza Abahesha b'Inkiko
Abahesha b'Inkiko n'abanoteri barahira
Umuyobozi w’Ishami rishinzwe kwegereza ubutabera abaturage muri Ministeri y’Ubutabera Yankurije Odette
Perezida w’Urugaga rw’abahesha b’inkiko Me. Habimana Vedaste

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved