Kwamamaza

Minicom irasaba abafite inganda kubungabunga ibidukikije

Yanditswe kuya 17-09-2016 saa 09:02' na Jean Pierre Tuyisenge


Minisiteri y’Ubucuruzi n’Inganda irasaba abantu bose bafite inganda kutangiza ibidukikije no kwihutira kwinjira muri gahunda igamije kugabanya ibiziturukamo bibyangiza.

Minisitiri w’Ubucuruzi n’inganda, François Kanimba yabivugiye mu muhango wo guhemba inganda zahize izindi mu kubungabunga ibidukikije, nyuma yo gushyira mu bikorwa gahunda yashyizweho yiswe Resource Efficient and Cleaner Production Program (RECP) igamije kugabanya imyanda ituruka mu nganda ikangiza ibidukikije.

Minisitiri Kanimba yahamagariye inganda zose gushishikarira gushyira mu bikorwa gahunda igamije kubungabunga ibidukikije, no kugabanya ibyangirikiraga mu mikoreshereze mibi y’ibikoreshwa mu nganda.

Yagize ati “ Iyi gahunda ituma inganda zigabanya amafaranga zajyaga zitakaza ku ngufu, ikindi ibyo byose bifite uruhare mu gutuma igihugu kibasha kugera ku ntego twiyemeje yo kubungabunga ibidukikije, cyane ko twasinye amasezerano yo kubungabunga ibidukikije atari ku Rwanda gusa ahubwo no ku Isi muri rusange. Turasaba rero ko inganda zose zo mu Rwanda zakwitabira iyi gahunda, kugira ngo turusheho kubibungabunga.”

Inganda zahembwe zirimo Bralirwa, Uruganda rutunganya amata n’ibiyakomokaho rwa Inyange, Mata Tea Company, SORWATHE, Uruganda rutunganya Ifu y’imyumbati rwa Kinazi, Uruganda rwa Sulfo na UTEXRWA.

Izi nganda zagiye zihemberwa uruhare zagize mu kubungabunga amazi aziturukamo, imyanda ikomeye yajyaga ijugunywa ikangiza ibidukikije, kugabanya ingufu zangirikaga n’imikoreshereze ikwiye y’amazi yo mu nganda.

Inyungu abatangiye gushyira mu bikorwa iyi gahunda, ni zo zatumye Umuyobozi mukuru w’Ikigo cy’Igihugu gishinzwe kubungabunga ibidukikije REMA, Collette Ruhamya aheraho asaba abafite inganda batari binjira muri iyi gahunda kwihutira kuyinjiramo.

Yagize ati “Inganda zubakwa ubu tuzishishikariza kuzana ikoranabuhanga ritangiza ibidukikije. Inganda zubatswe kera zashoboraga kwangiza ibidukikije ariko ubu turi gusaba ba nyiri inganda kwinjira muri gahunda yo kugura ikoranabuhanga, mu rwego rwo kugabanya ibyangiza ibidukikije. Ibi bifite inyungu cyane kuko usibye no kubungabunga ibidukikije, ahubwo bituma na bo ubwabo babasha kugabanya ibyo batakazaga, bikazatuma bagira inyungu ifatika.”

Uwari uhagarariye Uruganda rwa Bralirwa rutunganya ibinyobwa bisembuye n’ibidasembuye, ari na rwo rwabonye igihembo cy’indashyikirwa,Jean Pierre Uwizeye yavuze ko nyuma yo gutangira gushyira mu bikorwa iyi gahunda igamije kugabanya ibyangirikaga mu nganda, no kubungabunga ibidukikije, ngo bamaze kubona inyungu nini yabiturutsemo.

Yagize ati “ Twashyizeho gahunda yo kugerageza gushaka uburyo twabungabunga imyanda iva mu ruganda. Dufite imashini ibasha gufata amazi tuba twamaze gukoresha kugira ngo twongere tuzayakoreshe. Tubona ko twungutse bifatika, turahamagarira n’abandi kwinjira muri iyo gahunda.”

Gahunda ya Resource Efficient and Cleaner Production Program (RECP) yashinzwe mu mwaka wa 2005, igamije gushishikariza inganda ziri mu kibaya cy’ikiyaga cya Victoria, kugerageza kubungabunga ibidukikije, bafata neza amazi n’indi myanda ituruka mu nganda kugira ngo yongere ibyazwe umusaruro.

Ibi bihembo bitanzwe ku nshuro ya kabiri nyuma y’aho byaherukaga gutangwa ku itariki ya 2 Mata 2015, icyo gihe uruganda rwa Sulfo nirwo rwahize izindi mu gukora neza. Uyu munsi ku wa 16 Nzeri 2016 uruganda rwa Bralirwa ni rwo rwaje imbere muzahize izindi.

Minisitiri w'Ubucuruzi n'Inganda, François Kanimba
Umuyobozi Mukuru wa Kinazi Kassava, Emile NSANZABAGANWA ahabwa icyemezo cy'ishimwe
Ambasaderi wa Sweden ashyikiriza Umuyobozi uhagarariye Bralirwa igihembo
Minisitiri w’Ubucuruzi n’inganda, François Kanimba na Colette Ruhamya, Umuyobozi wa REMA nibo bari abashyitsi bakuru muri uyu muhango
Abitabiriye umuhango wo guhemba inganda zabungabunze ibidukikije neza
Umunyamabanga mukuru wa PSF ashyikiriza uwari uhagarariye SORWATHE, NGUMIRE Didas, icyemezo cy'ishimwe

Amafoto: Mahoro Luqman


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved