Minisiteri y’Ububanyi n’Amahanga yabonye Umunyamabanga Uhoraho mushya

Yanditswe na Kanamugire Emmanuel
Kuya 14 Nzeri 2016 saa 04:10
Yasuwe :
0 0

Claude Nikobisanzwe wari Umunyamabanga Mukuru muri Ambasade y’u Rwanda muri Africa y’Epfo, yagizwe Umunyamabanga Uhoraho muri Minisiteri y’Ububanyi n’Amahanga, asimbuye Jeannine Kambanda wari umaze imyaka ibiri kuri uwo mwanya.

Ibi byemejwe n’Inama y’Abaminisitiri yateranye ejo ku wa Kabiri, ku wa 13 Nzeri 2016, iyobowe na Nyakubahwa Perezida wa Repubulika y’u Rwanda Paul Kagame, aho uyu Jeannine Kambanda yahise agirwa Umunyamabanga mu Nteko Ishinga Amategeko.

Kambanda yasimbuye Immaculée Mukarurangwa wagizwe Umunyamabanga Nshingwabikorwa wungirije muri Komisiyo y’Igihugu y’Amatora.

Ubwo yagirwaga Umunyamabanga Uhoraho muri Minisiteri y’Ububanyi n’amahanga mu mwaka wa 2014, Kambanda yari avanwe mu mwanya wa Ambasaderi w’u Rwanda muri Singapore.

Muri iyi nama y’abaminisitiri kandi, ba ambasaderi bane bemerewe kuza guhagararira ibihugu byabo mu Rwanda barimo, Dr Peter Woeste wo mu Budage, Jenny Ohlsson wo muri Repubulika ya Suède, Pekka Juhani Hukka wo muri Finland uzajya uba Tanzania, na Abdullah Mohammed Abdullah Al-Takkawi wo muri Leta Zunze Ubumwe z’Abarabu uzajya uba i Kampala muri Uganda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244