Kwamamaza

Minisante yafashe ingamba zo kwirinda igihombo giterwa n’imiti irenza igihe idakoreshejwe

Yanditswe kuya 24-11-2016 saa 07:37' na Ntakirutimana Deus


Minisiteri y’Ubuzima yafashe ingamba zo kurinda leta igihombo yagiraga igitewe n’imiti yaguraga ikarangiza igihe idakoreshejwe.

Icyo gihombo cyagiye kigaragara mu myaka itandukanye, kugeza ubwo muri 2015, byagaragaye ko 2% by’imiti icungwa n’iyo Minisiteri yangiritse biciye mu kurenza igihe idakoreshejwe.

Abaturage bavuga ko bajya bagana ibigo nderabuzima, ibitaro ndetse na farumasi zigenga, bakagurishwa imiti yarengeje igihe bamwe bakabibona abandi ntibagire amahirwe yo kubimenya.

Ushinzwe gutanga imiti muri Farumasi Umushyikirano ikorera muri Kigali, Tabaro Jean Baptisite, yagaragaje ububi bw’iyo miti yarengeje igihe.

Ati “Imiti iyo ari yo yose ubundi burya ni uburozi n’ubwo yakorewe ngo ivure ubuzima bw’abantu, ari ko ni kuvuga ngo nikoreshwa nabi izaba uburozi mu buzima, kuko ishobora kuba yatera izindi ngaruka zirimo kanseri zitandukanye.”

Umuyobozi w’Ikigo Nderabuzima cya Gahanga; Hakizimana Theogene, yavuze ko bafite uburyo bwo kumenya imiti yinjiye mu gihugu n’igihe izarangirira mu rwego rwo gukemura icyo kibazo.

Ati “Andi mabwiriza Minisiteri y’Ubuzima yaduhaye ni uko mu gihe umuti usigaje amezi atatu ngo urangire usubizwa kuri farumasi y’akarere.”

Minisiteri y’Ubuzima itangaza ko yafashe ingamba zihamye nkuko Umuyobozi w’Ishami rishinzwe imiti mu kigo cy’Igihugu Gishinzwe Ubuzima (RBC), Muzayire Gaju Celsa, yabitangarije RBA.

Ati “Hari ibihugu dushobora guhererekanya imiti, nabyo tubabwira imiti dufite niba bayikeneye tukayibaha. Ikindi kintu ni uko dushobora kuwutanga cyangwa tukawugurisha ku mafaranga make, izo ngamba zose zirakorwa ku miti yose tubona hakiri kare ko ishobora kutazakoreshwa ugereranyije n’uko byari biteganyijwe.

Imiti yangiritse muri 2014 yari ifite agaciro k’amafaranga y’u Rwanda arenga miliyoni 400.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved