Kwamamaza

Minecofin ihamya ko uburyo bwo kuzigama butakiri ikibazo mu Rwanda

Yanditswe kuya 25-10-2016 saa 22:27' na Jean Pierre Tuyisenge


Minisiteri y’Imari n’Igenamigambi, Minecofin, itangaza ko nta muntu ukwiye kwanga kwizigamira avuga ko yabuze uburyo yabikoramo kuko ngo hari uburyo bwinshi Abanyarwanda bashyiriweho.

Ubu buryo burimo burimo burimo amabanki, ibimina, gukoresha telefoni zigendanwa no kugana ibigo by’ubwishingizi n’ubwiteganyirize.

Umuyobozi Mukuru ushinzwe Serivisi z’Imari muri Minecofin, Eric Rwigamba yatangarije IGIHE ko uburyo bwose bwakoreshwa mu kwizigama ari bwiza, ahubwo ko ikibazo kiri ku bantu bakora bishyirira ku munwa ntibabashe kwizigama.

Yagize ati “Icy’ingenzi ni ukwizigama, ushobora kubikora wisunga ibigo by’imali cyangwa gukoresha telefoni yawe; bisobanuye ko kugeza ubu aho kwizigamira hatakiri ikibazo mu Rwanda.”

Rwigamba avuga ko nubwo kwizigamira birushaho kugenda byiyongera ngo haracyari byinshi bigikenewe gukorwa kugira ngo abanyarwanda bamenye ko bituma ubuzima bwabo bw’ahazaza burushaho kubabera bwiza.

Kugeza ubu abantu bagera kuri 11% ntibagira ikigo cy’imari bakorana nacyo haba ku bijyanye no kuzigama cyangwa kugira indi serivisi bakeneramo.

Umuyobozi Mukuru wa Sosoyete y’Ubwishingizi ya Prime, Sayinzoga Betty, avuga ko kuva aho abanyarwanda baboneye ko igihugu gifite amahoro, gifite ejo ahazaza heza aribwo batangiye kubona ko bakwiye kugana inzira z’ubwishingizi no guteganyiriza ejo hazaza.

Yagize ati “ Iyo abantu batarizera umutekano w’igihugu ntabwo bitabira no kwiteganyiriza, gusa aho abantu bamaze kwizera ko ejo habo ari heza, aho umuntu yibaza ati mfite umwana, ejo azajya ku ishuri, ese ko ndi umumotari ariko ningera mu zabukuru nzabaho gute, nimva ku kazi nzabaho nte, bagenda babikora.”

Mu cyumweru cyahariwe kuzigama cyatangiye ejo ku wa 24 Ukwakira 2016, hateganyijwe ibikorwa byinshi bigamije gukangurira abantu kugira umuco wo kwizigamira. Kuri uyu wa 25 Ukwakira 2016, Minecofin yaganiriye n’itangazamakuru rishishikarizwa kugira uruhare muri iki gikorwa.

Umuyobozi Ushinzwe Serivisi z'Imari muri Minecofin, Eric Rwigamba
Umuyobozi Mukuru wa Sosiyete y'Ubwishingizi ya Prime Life Insurance, Sayinzoga Betty

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved