Kwamamaza

Minecofin ihuza ubukene bwa Afurika no kudaha agaciro ibigo by’imari iciriritse

Yanditswe kuya 26-10-2016 saa 17:43' na Jean Pierre Tuyisenge


Minisiteri y’Imari n’Igenamigambi mu Rwanda, ivuga ko bigoye ko ubukene bwacika muri Afurika mu gihe ibihugu byaba bidahaye ingufu ibigo by’Imari iciriritse, kuko ngo ari bumwe mu buryo bwo kuzamura imibereho n’ubukungu bw’umutrurage.

Ni interuro yumvikana nk’itari nshya mu matwi y’abanyarwanda kuko hari benshi batangaza ko bamaze kwiteza imbere binyuze mu bigo byo kubitsa no kugurizanya biri hirya no hino mu ntara zigize u Rwanda.

Nu nama ya 17 iteraniye i Kigali, yiga ku cyakorwa kugira ngo ibigo by’imali iciriritse bitere imbere binateza abaturage imbere, ari nako barushaho kubyibonamo ku mugabane wose wa Afurika, Minisisitiri w’Imari n’Igenamigambi, Amb. Claver Gatete yavuze ko ibi bigo bikwiye gutezwa imbere kugira ngo n’ibihugu ubwabyo bitere imbere.

Yagize ati “ Biragoye kurandura ubukene tudashyizeho ingamba zo gushyigikira amakoperative, niyo mpamvu tuvuga ko iyi ari yo nkingi ya mwamba mu kuzamura iterambere ry’abaturage.”

Gusa yavuze ko mu Rwanda ibi bigo byatejwe imbere, ndetse ko ubu mu Mirenge 416 igize u Rwanda yose ifite ibi bigo, bikaba byarakozwe hagamijwe kwegerza abaturage uburyo bwo kubitsa no kugurizwa.

Abateraniye muri iyi nama bavuze ko Ibigo by’Imari iciriritse byo kubitsano kuguriza ku mugabane wa Afurika byakunze guhura n’ibibazo, ahanini bishingiye kumyumvire y’abaturage usanga bakibika amafaranga mu nzu zabo aho kuyajyana muri ibyo bigo.

Gusa nkuko Umuyobozi w’Ihuriro ry’Amakoperative n’Ibigo by’Imari biciriritse ku mugabane wa Afurika ACCOSCA, George Ombado yabitangaje, ngo barava muri iyi nama barebeye hamwe icyakorwa kugira ngo izo mbogamizi zikurweho burundu.

Yagize ati “ Twahuye kugira ngo twige ku bibazo byugarije urwego rw’amakoperative aciriritse, ariko mu minsi ibiri cyangwa itatu tuzaba twamaze kumenya icyakorwa kugira ngo buri muntu yibone muri iri shoramari, ndetse n’ibibazo birimo bibonerwe ibisubizo.”

Mu minsi mike ishize haherutse kugaragazwa ikibazo cy’uko za SACCO mu Rwanda zirindishwa ibibando nyamara zibitse umutungo w’abantu utari muto, gusa umuyobozi wungirije w’ Ishyirahamwe ry’Ibigo by’Imari iciriritse mu Rwanda (AMIR), Uwizeye Jean Pierre, yavuze ko bari kuvugana n’ Urwego rw’igihugu rushinzwe amakoperative (RCA), kugira ngo umutekano w’ibyo bigo urusheho gukazwa.

Yagize ati “ Tumaze iminsi dukora inama zitandukanye ngo turebe uko ibigo by’imari byacungirwa umutekano cyane cyane Imirenge Sacco, twaganiriye ukuntu twaba dushyizeho za Kamera zikora mu buryo bw’ikoranabuhanga, ku buryo hagize ikiba bizajya bihita bigaragara.”

Iyi nama ibaye ku nshuro ya 17 ihuriyemo ibihugu bigera kuri 22 byo ku mugabane wa Afurika n’ahandi ku Isi, ikaba ifite Insanganyamatsiko igira iti “ Guteza imbere gahunda y’iterambere rya Afurika binyuze mu buryo buhuriweho bw’ibigo by’imari.”

Minisitiri w'Imari n'Igenamigambi, Amb. Claver Gatete
Umuyobozi wungirije w’ Ishyirahamwe ry'Ibigo by'Imari iciriritse mu Rwanda (AMIR), Uwizeye Jean Pierre

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved