Kwamamaza

Maj.Rugomwa ukekwaho gukubita umwana agapfa aragezwa imbere y’urukiko

Yanditswe kuya 13-09-2016 saa 08:14' na Philbert Hagengimana


Maj.Dr.Aimable Rugomwa ukekwaho gukubita umwana witwa Mbarushimana Théogène agapfa amukekaho ubujura, aragezwa imbere y’urukiko rw’ibanze rwa gisirikare, aho aza kumenyeshwa imiterere y’ibyaha akurikiranyweho.

Maj.Dr.Rugomwa usanzwe ari umuganga mu bitaro bikuru bya gisirikare i Kanombe aragezwa imbere y’urukiko kuri uyu wa kabiri tariki ya 13 Nzeri 2016.

Maj.Dr.Rugomwa aritaba ubutabera nyuma y’aho mu ijoro ryo ku Cyumweru tariki ya 4 Nzeri, akubise Mbarushimanabikamuviramo urupfu. Byabereye mu Mudugudu w’Ubumwe, Akagari ka Rubirizi ho mu Murenge wa Kanombe ho mu Karere ka Kicukiro.

Kuwa Gatatu tariki ya 7 Nzeri Ingabo z’u Rwanda zasuye umuryango w’uwo mwana wishwe, bawufata mu mugongo, ari na ho Umuvugizi w’Ingabo z’u Rwanda, Lt Col. René Ngendahimana yabwiriye Itangazamakuru ko bamagana icyo gikorwa mu buryo bukomeye.

Yagize ati "RDF iramagana iki gikorwa ndengakamere.Inshingano yacu ni ukurinda, si ukwica.Mu nshingano zacu, mu muco wacu, kwica abantu ntibibamo ahubwo dushinzwe kubarinda, dushinzwe ubuzima bwabo, ni na yo mpamvu bikimara kuba hahise hatangira iperereza maze abakekwaho ibyaha barafatwa."

Lt Col René Ngendahimana kandi yavuze ko ibyo Maj.Dr Aimable Rugomwa na mukuru we bakoze ari amahano by’umwihariko muri RDF bikaba ari na yo mpamvu bagiye gufata mu mugongo umuryango wabuze umwana kugira ngo bawugaragarize ko bifatanyije na wo muri ibi byago.

Inkuru bifitanye isano: RDF yamaganye umusirikare ushinjwa gukubita umwana agapfa


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved