Kwamamaza

Mageragere: Abaturage bagiye koroherezwa kubona amashanyarazi

Yanditswe kuya 13-10-2016 saa 07:34' na Jean Pierre Tuyisenge


Ubuyobozi bw’Akarere ka Nyarugenge bugiye korohereza abaturage bo mu murenge wa Mageragere uburyo bwo kubona amashanyarazi, ni gahunda yiswe ‘Turwanye Agatadowa’ aho bazawuhabwa bakajya bishyura buhoro buhoro.

Umurenge wa Mageragere ni wo ufite abaturage benshi badafite umuriro w’amashanyarazi muri aka karere cyane cyane mu tugari twawo twa Kivumu, Ntungamo na Kanzenze aho n’ibiro byatwo bidacaniwe.

Umuyobozi w’Akarere ka Nyarugenge, Kayisiime Nzaramba, yatangaje ko mu kwezi kwahariwe kuzirikana imiyoborere, bahisemo kwibanda ku mashanyarazi kuko ngo babonaga ari ikibazo gikomeye mu duce dutandukanye tw’akarere ariko ko kigiye kubonerwa umuti.

Yagize ati “ Twaje kugira ngo turebere hamwe uburyo twakemura iki kibazo. Mu karere kacu ubusanzwe 80% bafite umuriro ariko abandi 20 usanga ahanini biganje muri ibi bice bya Mageragere. Gusa hari uburyo tugiye gukoresha ku buryo abatuye hafi y’umuyoboro mugari tubaha umuriro, abari kure nabo hari uburyo twabazaniye bwo gukoresha umuriro uva ku mirasire y’izuba buzabafasha.”

Muri iyi gahunda,ingo 1386 ziri munsi ya metero 37 uvuye mu muyoboro mugari zigiye guhabwa umuriro naho, ingo 1813 ziri hagati ya Metero 37 na 500 nabo bazashakirwa uburyo abatuye begeranye bazahabwa uyu muriro, bakazajya bawishyura buhoro buhoro.

Ingo 1589 zisigaye byagaragaye ko ziri ahantu harengeje ubwo burebure hazashakwa uko zakoresha umuriro uva ku bindi bintu nk’imirasire y’Izuba.

Ku wa gatatu tariki ya 12 Ukwakira, Ubuyobozi bw’Akarere ka Nyarugenge bufatangije n’Ikigo cy’Igihugu gishinzwe iby’Amashanyarazi REG n’ibindi bigo bifatanyije, basuye Umurenge wa Mageragere ahabarurwa ingo 2076 zidafite umuriro.

Abaturage banejejwe n’iki gikorwa, bavuga ko nibabona umuriro bizaba ari intangiriro y’iterambere mu Murenge wabo.

Mukarugema Martha yagize ati “ Ubu twinjira mu nzu itabona, iyo rero nka Peterori yashize bihumira ku mirari. Nibaduha umuriro tuzaba dutangiye gutera imbere.”

Eric Dushime nawe atuye muri uwo Murenge, yatangarije IGIHE ko ubutumwa bahawe bwamushimishije kuko ngo kubona umuriro wa telefoni byabasabaga urugendo rurnini.

Ati “ Kugira ngo umuntu ashyire umuriro muri telefoni, byabaga ari ikibazo ku buryo byansabaga gutanga amafaranga ya buri munsi.”

Akarere ka Nyarugenge gafite umuriro ku kigero cya 80%.

Nzaramba Kayisiime Umuyobozi w'Akarere ka Nyarugenge aganira n'abaturage
Abaturage baboneyeho akanya ko gutura ibibazo abayobozi
Abaturage ba Mageragere
Abaturage bagaragarijwe imikorere y'umuriro uva ku mirasire y'Izuba

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved