Madamu Jeannette Kagame yasuye ihuriro ry’abagore ba Djibouti

Yanditswe na Cyprien Niyomwungeri
Kuya 18 Mata 2017 saa 10:48
Yasuwe :
1 0

Ku munsi wa mbere w’uruzinduko rwe muri Djibouti, Madamu Jeannette Kagame na mugenzi we Kadra Mahamoud Haid, basuye ibikorwa by’Ihuriro ry’igihugu ry’abagore ba Djibouti (UNFD), birimo ahakorerwa imyuga y’ubugeni n’ubukorikori.

Kuri uyu wa Kabiri tariki 18 Mata 2017 nibwo Madamu Jeannette Kagame ari kumwe na Perezida Kagame bageze muri Djibouti mu ruzinduko rw’akazi ruzamara iminsi ibiri.

Madamu Jeannette Kagame yasuye Ihuriro ry’igihugu ry’abagore ba Djibouti (UNFD) riyoborwa na mugenzi we, Kadra Mahamoud Haid, kuva mu 2000. Uru ruzinduko rukaba rwitabiriwe n’amagana y’abagore babarizwa muri Guverinoma ya Djibouti, na Sosiyete sivile.

Aba bashyitsi bagaragarijwe ibikorwa bya UNFD mu guteza imbere abagore mu bijyanye n’imibereho, politiki n’ubukungu kuva iki gihugu cyabona ubwigenge mu myaka 40 ishize.

Abagore b’abakuru b’ibihugu basuye ahantu abagore bo muri UNFD bahurira bagakora imyuga y’ubugeni n’ubukorikori n’ikigo kimaze imyaka 10 kirwanya ihohoterwa, aho abagore n’abagabo bakigana bakakigezaho ibibazo by’ihohoterwa bagize, kikabumva kikabaherekeza muri serivisi z’ubuvuzi n’ubujyanama mu mategeko.

Mu ijambo rye, Minisitiri w’uburinganire n’iterambere ry’umuryango muri Djibouti, Momina Houmed, yasabye ko habaho umubano ukomeye hagati y’abagore bo mu Rwanda na Djibouti.

Djibouti ibona ubwigenge mu 1977, abagore biyemeje kwishyira hamwe kugira ngo batange umusanzu wabo mu iterambere. Iri huriro ryigishije abagore gusoma no kwandika, riharanira uburezi bwabo n’ibindi. Mu 2000 nibwo ryatangiye kwinjira mu bikorwa by’iterambere nyirizina.

Kuvugurura Itegeko Nshinga byategetse imitwe ya politiki gushyira abagore mu Nteko Ishinga Amategeko mu 2003, ku nshuro ya mbere haboneka abagore bayijyamo. Iri huriro ryanabaye inkingi ikomeye ya politiki y’uburinganire yatangijwe na Guverinoma mu myaka 10.

Madamu Jeannette Kagame na mugenzi we Kadra Mahamoud Haid bageze kuri UNFD
Madamu Jeannette Kagame na Kadra Mahamoud Haid bari kumwe n'abagore bagize UNFD

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244