Madamu Jeannette Kagame na Margaret Kenyatta bazitabira Kigali International Peace Marathon

Yanditswe na IGIHE
Kuya 19 Gicurasi 2017 saa 06:29
Yasuwe :
0 0

Madamu Jeannette Kagame na Margaret Kenyatta, Umudamu wa Perezida Uhuru Kenyatta wa Kenya, bazitabira isiganwa mpuzamahanga ryitiriwe amahoro, Kigali International Peace Marathon, rizaba ku Cyumweru tariki ya 21 Gicurasi 2017.

Iri siganwa ngarukamwaka rigiye kuba ku nshuro ya 13, uyu mwaka rizaba ririmo icyiciro cya Run for Peace kizitabirwa n’abanyacyubahiro batandukanye bo mu Rwanda no hanze.

Ni muri urwo rwego Madamu Jeannette Kagame na Margaret Kenyatta bazitabira iri siganwa. Muri rusange, abantu bagera ku bihumbi bitandatu nibo byitezwe ko bazitabira iyi Kigali International Peace Marathon.

Madamu Margaret Kenyatta yitabiriye Kigali International Peace Marathon nyuma yaho umwaka ushize muri Werurwe Madamu Jeannette Kagame yari yitabiriye isiganwa ryiswe ‘Beyond Zero Campaign’ ryabereye i Nairobi rigamije gutanga ubutumwa bwo kugabanya impfu z’abana n’abagore.

Ni igikorwa cyatangiriye mu Murwa Mukuru wa Kenya i Nairobi kigasorezwa kuri Nyayo Stadium cyitabiriwe n’abasaga ibihumbi 40.000.

Ibiro bya Madamu Jeannette Kagame byatangaje ko yiteguye kwakira mugenzi we wa Kenya muri iri siganwa rigamije amahoro.

Madamu Jeannette Kagame ubwo yitabiraga isiganwa rya 'Beyond Zero Campaign'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza