Kwamamaza

Madamu Jeannette Kagame na Claudine Talon basuye ibikorwa by’iterambere i Kayonza

Yanditswe kuya 9-11-2016 saa 22:33' na Philbert Hagengimana


Ku munsi wa gatatu w’uruzinduko rwe mu Rwanda, Claudine Talon, Madamu wa Perezida wa Benin yasuye Umudugudu w’Indatwa wubatse i Nyagatovu mu Murenge wa Mukarange ho mu Karere ka Kayonza, ukaba icyitegererezo mu gukura Abanyarwanda mu bukene ndetse ukaba ufite n’urugo mbonezamikurire rwubatswe na Imbuto Foundation.

Kuri uyu wa Gatatu tariki ya 9 Ugushyingo 2016, ni bwo Madamu Claudine Talon yasuye uyu Mudugudu ari kumwe na Madamu Jeannette Kagame.

Madamu wa Perezida wa Benin na Madamu Jeannette Kagame, batemberejwe uwo mudugudu berekwa ibikorwa abaturage bamaze kugeraho nyuma yo gutuzwa nk’abatishoboye, banatanga ubuhamya bw’inzira baciyemo kugira ngo babe bari ku rwego bagezeho.

Uwicyeza Vestine, yamurikiye Madamu Claudine Talon na Madamu Jeannette Kagame, akarima k’igikoni kamufasha kurwanya imirire mibi mu rugo rwe no mu baturanyi n’inka yorojwe na Perezida Kagame, anabasobanurira uburyo ifumbire yazo imufasha gucana Biogaz.

Yagize ati “Aha tuhamaze imyaka itanu, ariko tumaze kugera kuri byinshi. Dufite ikiraro rusange kirimo inka twahawe na Perezida Kagame, dufite inzu nziza tumukesha. Twahoze dutuye muri nyakatsi, turi mu manegeka, none ubu turi ahantu heza hasobanutse, twabonye amazi n’amashanyarazi,ikigo nderabuzima, isoko, byose bigaherekezwa n’impanuro zidufasha guhindura imyumvire.”

Umudugudu w’Indatwa wubatswe na Imbuto Foundation n’abafatanyabikorwa bayo, ukaba urimo inzu zigera kuri 90, zatujwemo abaturage bahoze mu cyiciro cy’abatishoboye, abatagira aho baba ndetse na bamwe barimo n’impunzi zari zitahutse, ukaba waratashywe na Madamu Jeannette Kagame muri Nyakanga 2013.

Nyuma yo gutuzwa, Perezida Kagame yahise abagabira inka, ubu bakaba bafite izigera kuri 70 mu kiraro rusange, ndetse na zimwe abaturage bafite mu ngo zabo, zibunganira mu kurwanya imirire mibi, zibaha amata n’ifumbire bifashisha mu buhinzi.

Uyu mudugudu ufite ‘urugo mbonezamikurire’ rwita ku mwana ndetse no gufasha ababyeyi kwiteza imbere mu mibereho n’ubukungu, biciye mu mishinga itandukanye bahugurwamo ndetse n’imirimo y’ubugeni bahakorera.

Madamu Jeannette Kagame kandi yeretse Madamu Claudine Talon, Urugo “Women’s Opportunity Center”, rufasha abagore kubona amahirwe yo kwiteza imbere biciye mu kubahugura mu myuga itandukanye ndetse no muri gahunda zibafasha guhindura imyumvire.

Madamu Claudine Talon yagize ati “Ndabashimiye ku bw’ibikorwa byanyu bitegura ejo hazaza heza.”

Mdadamu Jeannette Kagame na we yagize ati “Murakoze ku bw’ibikorwa byiza mukora by’ubugeni.”

Guverineri w’Intara y’Iburasirazuba, Judith Kazayire yavuze ko ibi bikorwa byagize uruhare rukomeye mu gukura abaturage mu bukene, bikabafasha mu mibereho myiza ndetse n’Iterambere mu bukungu.

Umuyobozi w’umuryango ‘Women for Women International’ mu Rwanda, Antoinette Uwimana, yasobanuriye Madamu Claudine Talon na Madamu Jeannette Kagame, ibikorwa bikorerwa muri urwo rugo ahereye kuri gahunda zirimo ‘umugoroba w’ababyeyi’, zifasha abagore cyane cyane abatishoboye, bagahindura imyumvire bakabasha kwiteza imbere.

Uwimana yanagarutse kuri gahunda y’amahugurwa ahabwa abagabo n’abagore mu rwego rwo guca amakimbirane mu miryango, bagafatanya mu iterambere ry’ingo zabo.

Iyo gahunda yashyizweho yiyongera ku zindi zirimo amahugurwa yahabwaga abagore bakora ubugeni n’ubukorikori, guhugura abari n’abategarugori mu myuga itandukanye, iyi yo ikaba yaranatumye urwo rugo rubasha guha Marriot Hotel abakozi 27 barwigiyemo iby’amahoteli n’ubukerarugendo.

Madamu Jeannette Kgame na Claudine Talon ubwo basuraga ibikorwa by'iterambere i Kayonza
Uwicyeza Vestine, umwe mu batuye mu Mudugudu wasuwe uyu munsi
Bamwe mu bagore bibumbiye muri koperative y'abanyabukorikori i Kayonza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved