Claudine Talon yunamiye inzirakarengane zazize Jenoside yakorewe Abatutsi 1994

Yanditswe na Kanamugire Emmanuel
Kuya 9 Ugushyingo 2016 saa 07:10
Yasuwe :
0 0

Madamu wa Perezida wa Benin, Claudine Talon uri mu ruzinduko rw’iminsi ine mu Rwanda, yasuye urwibutso rwa Jenoside rwa Kigali ku Gisozi ruruhukiyemo imibiri isaga ibihumbi 250 y’inzirakarengane za Jenoside yakorewe Abatutsi muri 1994.

Madamu Claudine Talon yabanje gushyira indabo ku mva ziruhukiyemo imibiri y’inzirakarenga nyuma atemberezwa mu rwibutso ari nako asobanurirwa amateka yagejeje u Rwanda ku icuraburindi rya jenoside ryasize abasaga miliyoni imwe bishwe bazira uko bavutse.

Ku rwibutso, Madamu Talon yari aherekejwe na Minisitiri w’Umuco na Siporo, Uwacu Julienne.

Nyuma yo gusobanurirwa amateka y’u Rwanda, Madamu Claudine Talon yanditse mu gitabo cy’abashyitsi ati “Muzahora iteka mu mitima yacu, munadutera umwete wo guharanira amahoro n’urukundo.”

Madamu Claudine Talon yageze mu Rwanda kuwa 7 Ugushyingo 2016. Yasuye urwibutso rwa Jenoside rwa Kigali nyuma yo gusura ibitaro bya Kacyiru agasobanurirwa imikorere ya serivisi zitandukanye zirimo; Isange One Stop Center n’ibikorwa bya gahinda ya Imbuto Foundation y’ubufasha bugenerwa umuryango ‘Family Package’.

Mu ruzinduko rwe mu Rwanda, Madamu Talon, azanasura ibindi bikorwa Madamu Jeannette Kagame akora abinyujije mu muryango Imbuto Foundation birimo rumwe mu ngo mbonezamikurire rwubatse i Kayonza mu Ntara y’’ Iburasirazuba, n’ibindi bikorwa by’iterambere.

Claudine Talon yandika mu gitabo cy'abashyitsi ku rwibutso rwa Jenoside ku Gisozi
Claudine Talon yunamira inzirakarengane za Jenoside yakorewe Abatutsi zishyinguye mu rwubutso rwa Gisozi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244