Kwamamaza

Loni itewe impungenge n’ingorane zagwira Isi Trump aramutse atowe

Yanditswe kuya 13-10-2016 saa 09:59' na Mukaneza M.Ange


Ishami ry’Umuryango w’Abibumbye ryita ku burenganzira bwa muntu ryagaragaje ko imvugo n’ibitekerezo bya Donald Trump, umukandida w’aba- républicain mu matora ya perezida wa Leta Zunze Ubumwe za Amerika, bituma baterwa impungenge n’ingorane zagwira isi igihe yaramuka atowe.

Izi mpungenge zagaragajwe n’Umuyobozi w’iri shami, Zeid Raad al-Hussein mu kiganiro n’abanyamakuru ku wa kabiri i Genève mu Busuwisi.

Hussein yavuze ko Trump naramuka atowe imvugo ye ikaba ingiro nta kabuza azaba ikibazo ku isi yose.

Yakomeje avuga ko nubwo adafite gahunda yo kwivanga mu matora y’igihugu icyo ari cyo cyose, igihe bishobora gushyigikira iyicarubozo, abaturage bakabuzwa uburenganzira bwabo, nta cyamubuza kugira icyo abivugaho.

BBC ivuga ko aho Zeid yagarukaga ku byavuzwe na Trump muri Kamena uyu mwaka agaragaza ko ashyigikiye iyicarubozo ndetse anasezeranya kugarura waterboarding aho bafata imfungwa iri guhatwa ibibazo bakayipfuka umunwa n’amazuru bakoresheje igitambaro kirimo amazi.

Ubu buryo bwakoreshwaga ku bakoze ibikorwa by’iterabwoba byavanweho ku butegetsi bwa Perezida Barack Obama.

Hussein atangaje ibi mu gihe Trump we yigeze kuvuga ko Loni idashyigikira na gato demokarasi kandi ko nta bushuti ifitanye na Amerika nubwo ariho ibiro by’uyu muryango bibarizwa.

Mu kwiyamamaza kwe Trump yakunze kurangwa n’imvugo zibasira imiryango itandukanye irimo abayisilamu, abirabura, abavuga icyesipanyolo ndetse n’abagore ari nabyo bituma abatari bake bibaza aramutse atowe icyakurikiraho.

Amatora muri Leta Zunze Ubumwe za Amerika ateganyijwe ku itariki 8 Ugushyingo 2016, hagati ya Hillary Clinton na Donald Trump hakazavamo umwe uyobora iki gihugu.

Umuyobozi w'Ishami ry'Umuryango w'Abibumbye ryita ku burenganzira bwa muntu, Zeid Raad al-Hussein

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 27 Ukwakira 2016
Copyright © 2009 -2014 - IGIHE Ltd - All Rights Reserved