Leta yiteze guhanga imirimo 6000 mu mushinga wa kabiri wa Special Economic Zone

Yanditswe na IGIHE
Kuya 31 Nyakanga 2017 saa 03:12
Yasuwe :
0 0

Minisiteri y’ubucuruzi, inganda n’ibikorwa by’umuryango wa Afurika y’Iburasirazuba (Mineacom) iratangaza ko umushinga wa mbere w’igice cyahariwe inganda (Special Economic Zone), wafashije igihugu guhanga imirimo 3 124, ikaba yiteze ko umushinga wa kabiri uzahanga imirimo igera ku 6000.
Umuyobozi Mukuru w’iterambere ry’inganda n’ubucuruzi muri iyi Minisiteri, Annette Karenzi, yabwiye The East African ko abakora iriya mirimo barimo ba nyakabyizi n’abahoraho bazajya bakorana n’abashoramari muri aka (...)

Minisiteri y’ubucuruzi, inganda n’ibikorwa by’umuryango wa Afurika y’Iburasirazuba (Mineacom) iratangaza ko umushinga wa mbere w’igice cyahariwe inganda (Special Economic Zone), wafashije igihugu guhanga imirimo 3 124, ikaba yiteze ko umushinga wa kabiri uzahanga imirimo igera ku 6000.

Umuyobozi Mukuru w’iterambere ry’inganda n’ubucuruzi muri iyi Minisiteri, Annette Karenzi, yabwiye The East African ko abakora iriya mirimo barimo ba nyakabyizi n’abahoraho bazajya bakorana n’abashoramari muri aka gace.

Yagize ati “Nateganya ko imirimo izahangwa izikuba kabiri ubwo icyiciro cya kabiri cy’uyu mushinga kizaba kirangiye.”

Gusa ntatangaza igihe iki cyiciro cya kabiri kizaba cyarangiriye.

Igice cyahariwe inganda giherereye mu karere ka Gasabo mu mujyi wa Kigali, gifite ubuso bwa hegitari 276 bwatanzwe na Guverinoma y’u Rwanda mu rwego rwo kuzamura urwego rw’inganda, ubwubatsi, inganda z’imiti, imyambaro n’izindi.

Umuyobozi ushinzwe ibikorwa mu kigo cy’Igihugu cy’iterambere (RDB), Emmanuel Hategeka, atangaza ko igice cya kabiri cy’uyu mushinga wa Special Economic Zone ufite agaciro ka miliyari 131.2 z’amafaranga y’u Rwanda.

Kugeza ubu ibigo byo mu Bushinwa nibyo bimaze gushora imari nini mu gice cyahariwe inganda ingana na miliyari 12 z’amafaranga y’u Rwanda. Ibikomoka muri Afurika y’Iburasirazuba birimo Mikoani Traders Ltd, Azam Bakhresa (Azam) n’ibindi bigo byo muri Tanzania bikora matela.

Nibura ibibanza 94 byagenewe inganda, izigera kuri 32 n’ububiko 15 birakoreshwa. Ibi bizongera ubucuruzi, bigabanye igitutu ku gaciro k’ifaranga ry’igihugu n’icyuho kiri hagati y’ibyoherezwa mu mahanga n’ibitumizwayo.

Agace kahariwe inganda mu mujyi wa Kigali kitezweho kugira uruhare mu guhanga imirimo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza