Kwamamaza

Leta igiye gukora ubukangurambaga mu mashuri na gereza ku ngengabitekerezo ya Jenoside

Yanditswe kuya 5-09-2016 saa 08:32' na Deus Ntakirutimana


Amashuri 30 mu gihugu na gereza zirindwi birimo gukorerwamo ubukangurambaga bugamije gushishikariza ababibamo kurwanya ingengabitekerezo ya Jenoside.

Icyo gikorwa cyatangijwe na Komisiyo y’Igihugu yo Kurwanya Jenoaside, (CNLG) kikazamara ibyumweru bitatu. Ubwo bukangurambaga bwibanda ku kwigishwa kuri jenoside n’ingaruka zayo ndetse n’uruhare rwa buri cyiciro mu kuyirwanya ndetse no guhangana n’abayihakana n’abayipfobya.

Clever Gatabazi, ushinzwe ibikorwa byo kwibuka no kurwanya jenoside muri CNLG yatangarije The New Times ko bazakomeza kwegera n’ibindi byiciro bitandukanye by’Abanyarwanda muri urwo rwego.

Yagize ati “Kurwanya ingengabitekerezo ya Jenoside, ni intambara isaba uruhare rwa buri wese. Ni muri urwo rwego kuyirandura, bidusaba kwegera buri cyiciro cyose cy’abantu.”

Gatabazi yavuze ko impamvu ubwo bukangurambaga buzibanda ku mashuri ni uko amenshi yigamo abanyeshuri bavutse nyuma ya Jenoside, batagize amahirwe yo kwigishwa kuri Jenoside .

Nibamara kuyigishwa ngo bizaba ari ingenzi kuko bazaba batangiye kuyasobanukirwa, bamenye uburyo leta zitandukanye za mbere no muri Jenoside zagize uruhare mu kubiba inzangano mu banyarwanda.
Ati “Muri ubwo bukangurambaga, tuzategura ibiganiro mpaka mu matsinda bizatuma abanyeshuri bagaragaza icyo bazi kuri Jenoside.”

Abo banyeshuri kandi bazerekwa filimi ya Ndi Umunyarwanda, imwe muri zigaragaza imbwirwaruhame z’urwango zashoye igihugu kuri jenoside zagiye zivugwa n’abayobozi batandukanye.

Abo banyeshuri kandi bazerekwa aho u Rwanda rugeze rwiyubaka nyuma y’icuraburindi ry’iyo jenoside.

CNLG ivuga ko hari intambwe yatangiye guterwa muri ayo mashuri, aho abanyeshuri bagiye bashinga amatsinda [club] zo kurwanya jenoside mu mashuri, bikabatera umuhate wo kurwanya iyo ngengabitekerezo mu miryango yabo no muri bagenzi babo.

Muri gereza ubwo bukangurambaga buzaba bugamije gushishikariza abagororwa kuvugisha ukuri, ndetse no gukangurira bagenzi babo bagize uruhare muri jenoside, kwirega, kwemera icyaha no gusaba imbabazi, kugira ngo banafashe gutanga amakuru kuri jenoside.

Gereza ziteganyijwe muri iyo gahunda zirimo iza Rubavu, Ngoma, Rusizi, Musanze, Nyagatare, Nyanza na Miyove. Ni ubukangurambaga buzasoza tariki ya 23 Nzeri 2016.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved