Kwamamaza

Minisitiri Kaboneka afata kudatanga mituweli nko kwiyahura

Yanditswe kuya 30-09-2016 saa 16:47' na Jean Claude Bazatsinda


Minisitiri w’Ubutegetsi bw’Igihugu, Francis Kaboneka, yasabye abaturage bo mu karere ka Musanze kwihutisha kwishyura ubwisungane mu kwivuza (mituelle de santé) birinda igihombo bahura na cyo iyo habayeho kwivuza nta bwisungane bafite.

Mu gikorwa cyo gutangiza igihembwe cy’ihinga cy’umwaka wa 2017 cyabereye mu karere ka Musanze, umurenge wa Gacaca, mu Kagari ka Kabirizi, ahatewe imbuto y’ibishyimbo bikungahaye ku ntungamubiri, Minisitiri Francis Kaboneka yasabye abatuye aka karere kwihutira kwishyura ubwisungane mu kwivuza.

Yagize ati"Kutishyura mituweli ni nko kwiyahura,iyo ugize nk’impanuka ariko ntawe mbyifurije, birakugora cyane kwivuza kandi ntawe impanuka cyangwa indwara iteguza."

Yakomeje agaragaza ko hari ingeso mbi yo kudatanga ubwisungane mu kwivuza kandi ugasanga abatayitanga badasiba kunywa inzoga n’ibindi bisindisha bakabuza abaturanyi n’imiryango yabo amahoro, maze abasaba kubireka.

Ku bibazo byabajijwe na bamwe mu bitabiriye iki gikorwa, ibinshi byagarutse ku buharike bukunze kugaragara muri aka gace.

Minisitiri Kaboneka yasabye abatuye aka karere kwirinda ingeso mbi y’ubuharike, asaba abarangije kugwa muri ibi bibazo koroherana, abatabibashije bakagana inkiko bakareba icyo amategeko abateganyiriza.

Yagize ati"Ibibazo byinshi byagaragajwe ni iby’ubuharike, ni na ho usanga ipfundo ry’ibindi birimo amakimbirane, kudatanga mituweli, umutekano muke ndetse n’isuku nke ikigaragara aha. Turabasaba kwirinda ubuharike ndetse no kwishyingira."

Akomeza avuga ko ubuyobozi bw’inzego z’ibanze buzakomeza kwegera no kwigisha aba baturage ingaruka mbi z’iyi ngeso mu muryango Nyarwanda.

Muri uyu murenge wa Gacaca abenshi mu bawutuye bakora ubuhinzi n’ubworozi ahakunze kwera cyane ibishyimbo, ibigori, ibijumba n’urutoki.

Mu Kagari ka Kibilizi hatewe ibishyimbo bikungahaye ku butare, kuri hegitari 25 z’ubutaka bwatunganyijweho amaterasi y’indinganire.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved