Kwamamaza

Kumvikana ku hazatabarizwa Umwami Kigeli V nibinanirana, hazitabazwa Amerika

Yanditswe kuya 27-10-2016 saa 19:20' na Ntakirutimana Deus


Pasiteri Mpyisi Ezra wahoze ari umugaragu w’Umwami Kigeli V Ndahindurwa, uherutse gutanga, ari mu itsinda ry’abafitanye isano nawe bagiye muri Amerika kuganira n’abariyo ku buryo yazatabarizwa mu Rwanda.

Iryo tsinda rigizwe n’abantu icyenda ryageze muri Amerika kuri uyu wa Gatatu bikaba biteganyijwe ko kuri uyu wa Kane rigirana ibiganiro n’abariyo bari batsimbaraye ku gutabariza umugogo w’Umwami Kigeli V muri Amerika.

Mu kiganiro IGIHE yagiranye na Pasiteri Mpyisi yavuze ko bageze muri Amerika amahoro, ndetse bakaba bagiye kuganira kuri icyo kibazo.

Yagize ati “Ndi muri Amerika, hari abo twajyanye ni byo turimo, twahageze ejo [kuwa Gatatu] turabitangira [kuganira] none.”

Mpyisi yavuze ko bafite icyizere ko abari muri Amerika bazava ku izina bakemera ko umugogo wa Kigeli V utabarizwa mu Rwanda, ariko ko nibinanirana bazitabaza Leta ya Amerika ikabibafashamo.

Ati “Icyezere turagifite ariko ntituragera ku cyemezo, hari abo tuganira batabibona nk’uko tubinona, ubu rero turacyaganira na bo.Tugiye guhura muri uyu mwanya.”

“Abagomba gufata icyemezo ni twebwe benshi kandi begereye Umwami, abantu ntabwo bafata icyemezo ari batanu, batandatu gusa kandi abandi benda kugera kuri 20. Turaganira, nitutumvikana tuzabishyira kuri leta ya Amerika."

Ku bijyanye n’icyo umwami yaba yarasize avuze ku ho yatabarizwa, Pasiteri Mpyisi yavuze ko batarakimenya, ariko biteguye kukiganira n’abari bamuri hafi ati “Niba hari icyo bafite barakitubwira.”

Mpyisi yavuze ko abagiye ari abo mu muryango w’Umwami Kigeli V Ndahindurwa ndetse n’abo hafi yawo, ku buryo nibamara kubona igikwiye gukorwa bazitabaza leta.

Mu kiganiro baherutse kugirana n’itangazamakuru kuwa 21 Ukwakira 2016, abagize Umuryango w’Umwami Kigeli V bari mu Rwanda bahurije ku cyifuzo ko Umugogo we watabarizwa mu Rwanda, ariko bavuga ko hari byinshi bikirebwa ndetse bikeneye kuganirwaho kugira ngo umwanzuro wemezwe.

Icyo gihe, Rutijanwa Medard yagize ati "Tumaze igihe duterana, twatanze itangazo ryashyikirijwe itangazamakuru risubiza iryatanzwe na Leta, ryasabye abo mu muryango w’Umwami wa Kigeli V Ndahindurwa ko bavuga ibikenewe byose kugira ngo leta y’u Rwanda iwufashe, ifashe n’Abanyarwanda bose gutabaza Umwami Kigeli V.’’

Umwami Kigeli V yatanze mu ijoro ryo kuwa Gatandatu rishyira ku Cyumweru tariki 16 Ukwakira 2016 azize uburwayi bw’iza bukuru. Yaguye mu Mujyi wa Oakton muri Leta ya Virginia, muri Leta Zunze Ubumwe za Amerika.

Pasiteri Mpyisi Ezra mu kiganiro n'abanyamakuru

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved