Ku munsi wa Kabiri w’uruzinduko,Perezida Talon yagiye muri Nyungwe na kajugujugu

Yanditswe na Philbert Girinema
Kuya 30 Kanama 2016 saa 08:26
Yasuwe :
0 0

Nyuma yo gusura Ikigo cy’Igihugu cy’Iterambere ndetse n’Agace kahariwe Inganda mu Karere ka Gasabo, Perezida wa Benin Patrice Talon uri mu ruzinduko rw’iminsi itatu mu Rwanda, yakomereje mu nkengero z’ishyamba rya Nyungwe i Nyamashake asura uruganda rw’icyayi rwa Gisakura.

Minisitiri w’Ububanyi n’Amahanga wa Benin, Aurelien Agbenonci; uw’Ububanyi n’Amahanga w’u Rwanda, Louise Mushikiwabo na Minisitiri w’Umutungo Kamere, Vincent Biruta ni bamwe mu bayobozi baherekeje Perezida Talon.

Umuyobozi Mukuru wungirije w’Uruganda rwa Gisakura, Kanyesigye Emmanuel, yabwiye IGIHE ko Perezida Talon yageze kuri uru ruganda ahagana saa kumi n’imwe akerekwa uko icyayi gitunganywa kugeza kigiye ku isoko ndetse ko yabyishimiye.

Ati “ Yahageze nka saa kumi n’imwe. Yasuye uruganda, yashakaga kureba uko icyayi gitunganywa kuva kivuye mu murima kugeza kigeze ku isoko. Yishimye n’abo bari kumwe, ntabwo bari bazi uko icyayi gitunganywa.”

Mbere yo kwerekeza muri Nyungwe, Perezida Talon yakiriwe muri Village Urugwiro na Perezida Kagame bagirana ibiganiro byihariye bigamije gushimangira imibanire y’ibihugu byombi.

Uru ruganda rwasuwe na Perezida Talon rutunganya icyayi kingana na toni ibihumbi bibiri ku mwaka, rukaba rufite intumbero yo kugeza toni enye mu 2020. Ni mu gihe kandi rusarura toni ibihumbi bitandatu kuri hegitari aho rwifuza kuzamura umusaruro ukagera kuri toni ibihumbi 12 mu 2020.

Umutekano wa Perezida Talon ucunzwe neza
Indege Perezida Talon yagiyemo ubwo yasuraga ueuganda rw'Icyayi rwa Gisakura
Perezida Talon n'itsinda ryari rimuherekeje
Zimwe mu mashini zigize uruganda rw'icyayi rwa Gisakura
Perezida Talon n'abamuherekeje bakirwa ku ruganda rwa Gisakura

Amafoto: Twitter/ Minaffet


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza