00:00:00 IGIHE NETWORK KN KINYARWANDA EN ENGLISH FR FRANCAIS

Kinyinya: Abarwayi 244 bakize COVID-19, ubuyobozi bwiyemeza kuyirandura burundu

Yanditswe na Thamimu Hakizimana
Kuya 30 Nzeri 2021 saa 11:51
Yasuwe :
0 0

Nyuma y’uko abantu 244 bari barwaye Covid-19 bayikize mu Murenge wa Kinyinya uri mu Karere ka Gasabo, ubu ubuyobozi bwawo bwashyizeho intego yo gukumira iki cyorezo ku bufatanye n’abaturage.

Kugira ngo iyi ntego igerweho, ubuyobozi bwatangaje ko hagiye kongerwa imbaraga mu bikorwa by’ubukangurambaga, kuko byagaragaye ko ubwakozwe bwagize ingaruka nziza mu kugabanya ubukana bw’iki cyorezo, nk’uko byatangajwe na Havuguziga Charles, Umunyamabanga Nshingwabikorwa w’Umurenge wa Kinyinya.

Yagize ati “Iyo urebye neza, usanga ubukangurambaga bwo gukomeza gushishikariza abaturage kwirinda ikwirakwira rya Covid-19, bwarabaye ingenzi cyane mu kugabanya ubwandu bushya, bityo abantu 244 twari dufite bagakira, ubu tukaba nta bwandu dusigaranye.”

Yavuze ko ubukangurambaga bwabo bwibanda ku kwirinda Covid-19 binyuze mu kubahiriza amabwirizwa yatanzwe na Minisiteri y’Ubuzima, ariko noneho hakabaho no gushishikariza abaturage kwitabira ibikorwa byo kwikingiza, kuko biri mu bigira uruhare rufatika ku kugabanya ikwirakwira ry’iki cyorezo.

Havuguziga yavuze ko intego yabo ari ukwegera abaturage babasanze aho bakorera ibikorwa byabo, bakibanda ku hahurira abantu benshi nko mu masoko n’amasangano y’imihanda.

Umurenge wa Kinyinya uri mu bukangurambaga bugamije gutuma abaturage barushaho kwirinda icyorezo cya Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .