Kimisagara: Umwana yapfiriye muri ruhurura ari gutabara mugenzi we

Yanditswe na Kanamugire Emmanuel
Kuya 16 Ugushyingo 2016 saa 10:54
Yasuwe :
0 0

Umwana uri mu kigero cy’imyaka 10 witwa Mahoro Junior yapfiriye muri ruhurura ya Mpazi itandukanya Umurenge wa Kimisagara n’uwa Gitega ho mu Karere ka Nyarugenge, ubwo yari arimo gutabara mugenzi we wari wayiguyemo.

Saa mbiri n’igice za mugitondo z’ejo ku wa Kabiri tariki ya 15 Ugushyingo, ni bwo uyu witwa Mahoro yitabye Imana nyuma y’uko yari amaze kurohora undi mwana wari waguye mu mazi yo muri iyo ruhurura,we akananirwa kuyivamo.

Nyuma y’urupfu w’uyu mwana abaturage baturiye iyi ruhurura babwiye IGIHE ko bahangayikijishijwe cyane n’ubuzima bw’abana babo kuko ngo atari ubwa mbere hapfiriyemo umwana.

Umwe yagize ati “ Ubuyobozi nibudufashe budusanire iyi ruhurura rwose, kuko idakozwe ishobora kuzatumaraho urubyaro.”

Umuyobozi w’Akarere ka Nyarugenge Wungirije ushinzwe imibereho myiza y’abaturage, Ndayisenga Jean Marie Vianney yavuze ko iyi ruhurura igiye gusanwa mu gihe cya vuba uretse ko hategerejwe ko imvura igabanuka.

Yagize ati “ Turabizi kuko itangira kwangirika twahise twohereza abatekinisiye ngo bayikorere inyigo y’uko yasanwa ku buryo n’ubu Umujyi wa Kigali uri gushakisha amafaranga yo kuyisana mu buryo bwihuse.”

Yakomeje asaba abanturage baturiye iyo ruhurura kubuza abana kujya kuyikiniramo no kuyogamo mu gihe itarakorwa kugira ngo birinde ko hari undi wayipfiramo.

Umwana yananiwe kuva muri aya mazi aramwica

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244