Kwamamaza

Kimisagara: Umugabo wibanaga yasanzwe mu nzu yapfuye

Yanditswe kuya 23-07-2016 saa 17:39' na Thamimu Hakizimana


Habyarimana Jean Pierre w’imyaka 43 y’amavuko wari utuye mu Mudugudu wa Kimisagara,Akagali ka Kimisagara mu Murenge wa Kimisagara yasanzwe mu nzu yari atuyemo yapfuye.

Amakuru IGIHE ikesha bamwe mu baturanyi b’uyu mugabo, bavuga ko ashobora kuba yapfuye ku mugoroba w’ejo kuwa Gatanu tariki ya 22 Nyakanga 2015.

Habyarimana wibanaga mu nzu wenyine, avuka mu Karere ka Nyamasheke mu Ntara y’Iburengerazuba.

Abaturage batuye hafi y’aho nyakwigendera yari atuye bavuga ko kugira ngo bamenye ko yapfuye byabasabye kwangiza urugi ngo kuko bamuhamagaraga ntabitabe.

Umunyamabanga Nshingwabikorwa w’Umurenge wa Kimisagara, Ruzima Serge yabwiye IGIHE ko bakeka ko ashobora kuba yishwe n’uburwayi amaranye iminsi.

Yagize ati “ Hari undi muyobozi w’Umudugudu wa Mataba w’inshuti ye niwe wagiye kureba ejo nimugoroba uko yiriwe kuko bari bajyanye mu gitondo kwa muganga noneho ahageze asanga harakinze, nibwo we n’abandi baturage baje guca urugi basanga yapfuye.”

Yakomeje avuga ko batumijeho umuvandimwe we uri mu Karere ka Nyamasheke ndetse ko n’ubuyobozi bw’umudugudu uyu nyakwigendera yari atuyemo bwatangiye igikorwa cyo gukusanya amafaranga yo kugira ngo ashyingurwe.

Habyarimana Jean Pierre yari atuye ku Kimisagara

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 5 Ukwakira 2016
Copyright © 2009 -2014 - IGIHE Ltd - All Rights Reserved