Kwamamaza

Kimironko: Ivanjiri yahesheje mituweli abatishoboye 100

Yanditswe kuya 31-08-2016 saa 15:30' na Ntakirutimana Deus


Abatishoboye 100 bo mu Kagari ka Bibare mu Murenge wa Kimironko ho mu karere ka Gasabo bishyuriwe ubwisungane mu kwivuza[Mituweli] n’itsinda ry’ivugabutumwa rya Unite save and evangelise international Ministries.

Iryo tsinda rikaba ryashyiraga mu bikorwa intego ryihaye guhera muri 2014, yo kuvana ijambo ry’imana mu kanwa gusa, ahubwo rigashingira mu bikorwa, bagendeye ku ijambo riri muri Bibiliya mu gitabo cya Yakobo, aho agira ati “Ukwemera kutagira ibikorwa kuba kwarapfuye”.

Ni muri urwo rwego bafashe umwanzuro wo gufasha abaturage, umurenge wa Kimironko ugahitamo abaturage bakeneye ubwo bufasha, bashyikirijwe mu mpera z’icyumweru gishize.

Ndekezi Faustin, umwe mu bafashijwe, yavuze ko yajyaga ahura n’ikibazo cyo kubona mafaranga yo kwigurira mituweli we n’umubyeyi we, ariko ubwo abonye abagiraneza bamwishyurira na we azasigara ashaka ayo kwishyurira nyina we ugeze mu za bukuru, avuga ko afite imyaka 104.

Umuyobozi ushinzwe imibereho myiza y’abaturage mu Murenge wa Kimironko, Umwaniwabo Laetitita yashimye ubwo bufasha ahamagarira n’abikorera, barimo amadini n’amatorero, imiryango idashamikiye kuri leta n’abantu ku giti cyabo gutera ikirenge mu cy’iryo tsinda, nab o bagoboka abaturage badafite amikoro yo kwiyishyurira mituweli.

Yagize ati “Mu Murenge wa Kimironko hari abantu benshi batishoboye bagiye baturuka mu cyaro, baza bagashakana n’abandi badafite amikoro ahagije, bakabyarana abana batateganyije , usanga babera umuzigo leta, bakeneye ubwo bufasha.”

Umwaniwabo yavuze ko bazakomeza ubuvugizi bwo gushakira ubushobozi iyo miryango hirya no hino haba mu gufashwa kubona mituweli ndetse n’ibindi by’ibanze bakeneye.

Mu rwego rwo gukomeza ubukanguramba, Umurenge wa Kimironko wafashe umwanzuro wo guha mituweli abakene bari mu cyiciro cya kabiri, ubusanzwe kitishyurirwa na Leta u rwego rwo gushishikariza abandi bafite umutima w’ubugiraneza kugoboka abaturage baho. Abagenewe ubwo bufasha ni abo mu Mudugudu w’Abatuje mu kagari ka Bibare.

Bamwe mu bishyuriwe mituweli
Ndekezi Faustin ashyikirizwa ikarita ya mituweli
Ubufasha yahawe buzatuma abasha kwishyurira nyina mituweli

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved