00:00:00 IGIHE NETWORK KN KINYARWANDA EN ENGLISH FR FRANCAIS

Kiliziya Gatolika, Islam n’andi madini yemerewe guterana buri munsi

Yanditswe na IGIHE
Kuya 2 Ukwakira 2021 saa 05:29
Yasuwe :
0 0

Kiliziya Gatolika, Islam n’andi madini yakomorewe na Minisiteri y’Ubutegetsi bw’Igihugu aho ashobora kuzajya akoresha amateraniro y’amasengesho ya buri munsi mu gihe ubusanzwe hari hemewe aba rimwe mu cyumweru kubera ingamba zo kwirinda Covid-19.

Mbere ya Covid-19, amadini n’amatorero hafi ya yose mu Rwanda yakoreshaga amateraniro umunsi uwo ariwo wose, gusa byaje guhinduka insengero zirafungwa n’aho zifunguriye izemerewe gukora zigakoresha amateraniro rimwe mu cyumweru.

Nka Kiliziya Gatolika, misa ziba ku cyumweru gusa mu gihe Abayisilamu basanzwe bafite ihame ryo gusenga gatanu ku munsi, bo bemerewe kujya mu musigiti ku wa Gatanu gusa.

Minisiteri y’Ubutegetsi bw’Igihugu yatangaje ko yakiriye Ubuyobozi bw’Umuryango w’Abayisilamu n’ubwa Kiliziya Gatolika mu Rwanda busaba kwemerwa gusenga buri munsi nk’uko byari bisanzwe.

Iti “ Tumaze kubijyaho inama n’izindi nzego, turabamenyesha ko bemerewe gusenga buri munsi bubahiriza amabwiriza yashyizweho yo kwirinda COVID-19.”

Ubutumwa iyi minisiteri yashyize kuri Twitter yayo bukomeza buvuga ko andi madini n’amatorero asanzwe aterana mu mibyizi nayo yemerewe, gusa akubahiriza ingamba zo kwirinda COVID-19.

Iyi gahunda ireba gusa amadini n’amatorero yemewe mu Rwanda muri Kiliziya, insengero n’imisigiti byari bisanzwe byemerewe gusenga kuko byujuje ibisabwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .