Kwamamaza

Kigali: Yitabye Imana nyuma y’iminsi ibiri arara muri ruhurura

Yanditswe kuya 29-11-2016 saa 19:16' na Thamimu Hakizimana


Umusaza uri mu kigero cy’imyaka 65 wari uzwi ku izina rya Rashidi akaba yari atuye mu Kagari ka Rwezamenyo ya I mu Murenge wa Rwezamenyo mu Karere ka Nyarugenge yapfuye nyuma yo kumara iminsi ibiri arara muri ruhurura mu Mujyi wa Kigali.

Uyu musaza ngo yaje kwitaba Imana nyuma y’amasaha agera ku munani yarembeye ku gasozi abura umuntu umwitaho.

Abamubonye bavuga ko yapfuye nyuma yo gukurwa mu mbuga yo mu rugo rw’umuturage utuye mu Kagari ka Gacyamo mu Murenge wa Gitega, aho yari aryamye, mbere yo kujyanwa mu Bitaro bikuru bya Kigali (CHUK), ari naho yaguye mu rukerera rwo ku wa Gatandatu tariki ya 26 Ugushyingo 2016.

Bivugwa ko Rashidi yari amaze iminsi ibiri yirarira muri ruhurura, umuryango we ugashimangira ko yari ibaye itatu adakoza ikirenge mu rugo.

Umwe mu baturage baganiriye na IGIHE atangaza ko yapfuye kubera kubura umwitaho ndetse n’abandi baturage bo muri ako gace bavuga ko bari bamaze iminsi bamubona asabiriza.

Umusaza witwa Karekezi w’inshuti ye yatangaje ko Rashidi yatangiye guhura n’ibibazo nyuma yo kunyagirwa n’imvura.

Umuyobozi w’Umudugudu w’Intsinzi witwa Anne Marie Uwambabaje we avuga ko uyu muturage nubwo yarembeye mu gace kabo atariho yari atuye.

Yagize ati “Uyu muturage ntabwo yari asanzwe atuye muri aka gace ahubwo ni umuntu wari ufite ikibazo cyo mu mutwe ku buryo aho bwije ageze ari ho yararaga.”

Yakomeje avuga ko nyuma y’uko undi musaza w’inshuti ya Rashidi amubwiriye ikibazo yagize yahise amusaba ko yajya kubibwira umuryango we ndetse nawe ahita abimenyesha kugira ngo n’ubuyobozi buze kugira icyo bumufasha mu gihe umuryango waba utabonetse.

Amakuru agera ku IGIHE avuga ko uyu musaza yaje kugwa mu bitaro bya CHUK nyuma yo kujyanwayo n’imbangukiragutabara.

Nyuma yo kujyanwa igitaraganya n'imbangukiragutabara, yahise agwa mu bitaro bya CHUK

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved