Kwamamaza

Kigali: Yatawe muri yombi azira guha ruswa abapolisi bavumbuye ko adakoresha EBM

Yanditswe kuya 11-11-2016 saa 05:44' na Thamimu Hakizimana


Umucuruzi w’ amavuta mu isoko rya Nyarugenge mu Mujyi wa Kigali yatawe muri yombi akekwaho guha ruswa y’ibihumbi 30 abapolisi bashinzwe gukorana n’Ikigo cy’Igihugu gishinzwe imisoro n’amahoro (RRA) nyuma y’uko bamufashe atatanze inyemezabwishyu ya EBM.

Kuri uyu wa Kane tariki ya 10 Ugushyingo 2016, ni bwo Polisi y’u Rwanda yeretse itangazamakuru uyu mucuruzi ushinjwa gutanga ibicuruzwa nta nyemezabwishyu.

Uyu mucuruzi nawe yemera ko yafunzwe azira guha polisi ruswa ariko akavuga ko yabitewe n’uko imashini y’inyemezabwishyu ya EBM yari yapfuye.

Yagize ati “ Nibyo ndi hano nzira gutanga ruswa, abapolisi bari bamfatiye ibintu by’umukiriya wari uvuye mu iduka nkoreramo kuko nari nabimuhaye nta nyemezabwishyu biba ngomba ko mbaha ruswa y’ibihumbi 30.”

Umuvugizi wa Polisi y’u Rwanda, ACP Theos Badege, avuga ko uyu mucuruzi yahaye abapolisi ruswa y’amafaranga ibihumbi 30 kugira ngo bamubabarire kuko yari gutanga inyemezabwishyu y’amafaranga ibihumbi 56,350.

Yagize ati “ Murabyibuka ko mu minsi ishize twerekanye abantu bagerageze guhunga gutanga imisoro, nawe yafashwe n’abapolisi bashinzwe gukorana n’ikigo cy’Imisoro n’Amahoro kuko yagombaga gutanga inyemezabuguzi y’amafaranga ibihumbi 56,350 ahubwo we ashaka ngo abahe ruswa kandi icyo bari bagamije kwari ugutuma Leta yinjiza imisoro n’amahoro no kubahiriza amategeko.”

Yakomeje avuga ko uyu mucuruzi akurikiranyweho ibyaha bibiri birimo kudatanga inyemezabwishyu no gutanga ruswa.

Umuvugizi wa Polisi y’u Rwanda yagize na none ati “Yagerageje gutanga ruswa kugira ngo ye gucibwa ihazabu kubera kudatanga inyemezabuguzi y’imashini y’ikoranabuhanga (EBM). Abasoreshwa bakwiriye kuba inyangamugayo n’abenegihugu beza batanga imisoro nk’uko amategeko abiteganya.”

Ingingo ya 3 y’Itegeko Nº40/2016 ryo ku wa 15/10/2016 rihindura kandi ryuzuza Itegeko Nº 37/2012 ryo ku wa 9/11/2012 rishyiraho umusoro ku nyongeragaciro nk’uko ryahinduwe kandi ryujujwe kugeza ubu ivuga ko umuntu wese ugomba gukoresha imashini y’ikoranabuhanga mu gutanga inyemezabuguzi ugurishije ibintu cyangwa serivisi atabitangiye inyemezabuguzi y’ikoranabuhanga acibwa ihazabu yo mu rwego rw’ubutegetsi y’amafaranga y’u Rwanda yikubye inshuro icumi (10) z’agaciro k’umusoro ku nyongeragaciro wanyerejwe.

Iyo umuntu yongeye gukora ikosa rivugwa mu gika cya mbere cy’iyi ngingo, acibwa ihazabu yo mu rwego rw’ubutegetsi ingana n’inshuro makumyabiri z’agaciro k’umusoro ku nyongeragaciro wanyerejwe.

Uhamwe n’icyaha cya ruswa ahanishwa igifungo kuva ku myaka ibiri kugeza ku myaka itanu n’ihazabu y’amafaranga y’u Rwanda yikubye inshuro kuva kuri ebyiri kugeza ku icumi z’agaciro k’indonke yatanze cyangwa yashatse gutanga nk’uko biteganywa n’ingingo ya 640 yo mu gitabo cy’amategeko ahana ibyaha mu Rwanda.

Yafashwe ashaka guha abapolisi ruswa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved