Kigali: Yakubiswe iz’akabwana nyuma yo gufatanwa abakobwa babiri mu nzu ye

Yanditswe na Ishimwe Israel
Kuya 22 Ugushyingo 2016 saa 12:40
42 29

Umugabo utuye mu Kagari ka Nyakabanda I mu Karere ka Nyarugenge yakubiswe aranakomeretswa nyuma yo gufatanwa abakobwa babiri b’abaturanyi mu nzu ye.

Kuri uyu wa Mbere, tariki ya 21 Ugushyingo 2016, ahagana saa yine ni bwo uyu mugabo uri mu kigero cy’imyaka 35 yaguwe gitumo na bamwe mu baturage bo mu Mudugudu wa Kokobe mu Kagari ka Nyakabanda ya I ari kumwe n’abakobwa babiri, baramukubita ndetse banamukomeretsa mu mutwe bamushinja ko yari arimo kubasambanya.

Umwe mu bagore baturanye na Nsabimana (izina ryahinduwe) yabwiye IGIHE ko yakubiswe n’abaturage nyuma y’uko bari bamusanze yikingiranye mu nzu ye n’abo bakobwa babiri.

Yagize ati “Abaturage barimo ababyeyi babo bana baje basanga harakinze noneho afunguye abantu bari aho batangira kumukubita bamubwira ngo abana babo bagiye gushirira iwe ku buryo hari n’abakeka ko basangiraga urumogi kubera ko basanzwe banabimuziho.”

Nyuma y’uko Nsabimana akubiswe n’abo baturage batuye mu gace kamwe, yahise ajyanwa gufungirwa kuri Sitasiyo ya Polisi y’Umurenge wa Nyakabanda kugira ngo akurikiranwe ibyo ashinjwa.

Abo bakobwa bahakanye ko basambanyijwe

Aba bakobwa barimo uw’imyaka 21 na mugenzi we ufite 18 bo bakigezwa kuri Sitasiyo ya Polisi ya Nyakabanda bahise bahakana ko Nsabimana yabasambanyije nk’uko ababyeyi babo ndetse na bamwe mu baturage babivugaga.

Umwe yagize ati “ Twatunguwe n’uburyo ubwo twari turi gushariza telefoni iwe, hahise haza igihiriri cy’abantu barimo n’umugore baturanye baradukingirana bahita bavuga ngo twari turi gusambana na we kandi babeshya.”

Ababyeyi ubuhamya bwatanzwe na Nsabimana ndetse n’abana babo abana babo ko Umukuru w’Umudugudu wa Kokobe hamwe n’umuturanyi wa Nsabimana baje bakabakingirana, ndetse ko batasambanyijwe nk’uko byavugwaga bahise babatahana bagenda babagira inama z’uko bagomba kwitararika no kudasura abasore bibana mu nzu zabo.

Aba bakobwa babiri bahakanye ko basambanyijwe
Ababyeyi b'aba bakobwa bivugwa ko basambanyijwe bakigera ku Murenge wa Nyakabanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE