Kigali: Umuyobozi w’ishuri afunzwe akekwaho gusambana n’umukobwa ayobora

Yanditswe na Philbert Girinema
Kuya 29 Kanama 2016 saa 03:59
Yasuwe :
0 0

Umuyobozi w’Ishuri ryisumbuye rya Kigoma (ES Kigoma) riherereye mu Karere ka Ruhango afungiye kuri Sitasiyo ya Polisi ya Remera mu Mujyi wa Kigali akekwaho gusambana n’umunyeshuri w’umukobwa ayobora.

Umuvugizi wa Polisi mu Mujyi wa Kigali, SP Emmanuel Hitayezu, yemeje aya makuru, avuga ko uyu mugabo usanzwe afite umugore afungiye hamwe n’uwo mukobwa uri mu kigero cy’imyaka 19, akaba akurikiranyweho icyaha cy’ubusambanyi.

Yagize ati “Yafashwe ku munsi w’ejo ku cyumweru ku macumbi Upendo Lodge aherereye mu Karere ka Gasabo nyuma y’amakuru twahawe n’abaturage.”

Ingingo ya 244 mu gitabo cy’amategeko ahana y’u Rwanda isobanuro ko ubusambanyi ari imibonano mpuzabitsina ikozwe n’uwashyingiwe ku buryo bwemewe n’amategeko, akayikorana n’uwo batashyingiranywe.

Naho ingingo ya 245 iteganya ko umuntu wese uhamwe n’icyaha cy’ubusambanyi, ahanishwa igifungo kuva ku mezi atandatu kugeza ku mwaka umwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza