Kigali: Karidinari Robert Sarah yashyikirije imfungwa ubutumwa Papa Francis yazigeneye

Yanditswe na Kanamugire Emmanuel
Kuya 13 Nzeri 2016 saa 07:39
Yasuwe :
0 0

Karidinari Robert Sarah yashyikirije imfungwa n’abagororwa muri Gereza ya Nyarugenge, ubutumwa bw’ihumure Papa Francis yabageneye mu Kwezi kw’Impuhwe, anabaha umukoro nyuma yo kubashyikiriza imfashanyo Kiliziya Gatolika mu Rwanda yabageneye.

Karidinari Robert Sarah, Umunya Guinea uba i Roma kwa Papa, yari muri Gereza nkuru ya Nyarugenge kuri uyu wa Kabiri tariki ya 13 Nzeri 2016, aho yari azaniye imfungwa n’abagororwa, ubutumwa Papa Francis yabageneye mu gihe cyo gusoza ukwezi kw’impuhwe.

Nk’uko DCGP Ujeneza Jeanne Chantal, Umuyobozi wungirije w’urwego rushinzwe imfungwa n’abagororwa yabitangarije IGIHE, Karidinari Robert Sarah yazanye ubwo butumwa bw’ihumure mu gihe cy’ukwezi kw’impuhwe muri Kiliziya Gaturika.

Ati “Iki gikorwa cyateguwe na Kiliziya Gatulika, idusaba ko yasura Gereza ebyiri muri 14 dufite mu Rwanda, maze bahitamo iya Nyarugenge n’iya Gasabo, baje bari kumwe na Karidinari uturutse i Roma abazaniye ubutumwa bwa Papa Francis mu gihe cyo gusoza ukwezi kw’impuhwe muri Kiliziya Gatulika.”

Izo ntumwa za Papa Francis zahisemo gusura imfungwa n’abagororwa kuko ari bamwe mu bakeneye impuhwe z’Imana kandi bagakenera guhumurizwa.

Karidinari Robert Sarah yari aherekejwe na Musenyeri Tadeyo Ntihinyurwa, Umushumba wa Arikidiyosezi ya Kigali hamwe na Musenyeri Antoine Kambanda wa Diyosezi ya Kibungo.

Nyuma yo kubashyikiriza ubutumwa bw’ihumure yabavaniye kwa Papa Francis, Karidinari Robert Sarah yahaye umukoro izo mfungwa n’abagororwa, ndetse na mbere yo kubasezera, yawubibukije, ati “Nk’uko nabibabwiye, ndagira ngo mbibutse ko mugomba kunsabira nanjye nkabasabira.”

Mu gihe Karidinari Robert Sarah n’abo Bashumba basuraga Gereza ya Nyarugenge, irindi tsinda ryarimo risura gereza ya Gasabo zombi zo mu Mujyi wa Kigali.

Uretse ubutumwa bw’ihumure buherekejwe n’ijambo ry’Imana, izo ntumwa za Papa zanageneye imfashanyo imfungwa n’abagororwa, birimo ibiryamirwa, ibikoresho by’isuku ndetse n’imiti.

Imfungwa n’abagororwa muri Gereza ya Nyarugenge n’iya Gasabo zishyikirijwe ubutumwa bw’ihumure Papa Francis yazigeneye nyuma y’aho uwo mushumba wa Kiliziya Gatulika ku Isi yari yageneye ubundi abahanganiye ubuteghetsi muri Gabon, ndetse ku cyumweru ku wa 11 Nzeri 2016, yahamagariye buri wese kwitabira isengesho ry’umwihariko ryo gusabira icyo gihugu cyugarijwe n’imvururu zakurikiye amatora y’Umukuru w’Igihugu yabaye ku wa 27 Kanama 2016, asaba abahanganye kuyoboka inzira y’amahoro no kubahiriza amategeko.

Karidinari Robert Sarah, atanga ubutumwa Papa Francis yageneye Imfungwa n'Abagororwa
Karidinari Robert Sarah aha umugisha DCGP Ujeneza, Komiseri wungirije w'Urwego rw'Igihugu rushinzwe Imfungwa n'Abagororwa
Imfungwa n'abagororwa bo muri Gereza ya Nyarugenge baririmba ubwo bakiraga ubutumwa bwa Papa Francis
Abagororwa bibumbiye mu mutwe w'abaririmbyi muri Gereza ya Nyarugenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244