Kigali: Imodoka nini ebyiri zagonganye imwe irenga umuhanda (Amafoto)

Yanditswe na Evariste Nsengimana
Kuya 23 Kanama 2017 saa 11:25
Yasuwe :
0 0

Mu gitondo cyo kuri uyu wa Gatatu, imodoka ifite pulaki y’i Burundi yakoreye impanuka mu muhanda uri gukorwa uva Rwandex werekeza Sonatube mu Karere ka Kicukiro, igonga ikamyo y’Abashinwa irangirika yangiza n’umuhanda.

Umuvugizi wa Polisi y’u Rwanda ishami rishinzwe umutekano wo mu muhanda, CIP Emmanuel Kabanda yabwiye IGIHE iyi mpanuka yatewe n’uko iyo modoka y’i Burundi yagonze iyo y’Abashinwa igahita irenga umuhanda.

Yagize ati “Ni imodoka ifite pulake y’i Burundi yagonze ikamyo y’Abashinwa hanyuma ihita ita umuhanda. Iyo y’i Burundi niyo yagonze urukuta […] Ni imodoka yangiritse n’urukuta rw’umuhanda yagonze nta bindi byangiritse. Nta muntu cyangwa ibindi binyabiziga yagonze n’abari bazitwaye ntacyo babaye. Igice cy’umuhanda wangiritse barongera bawusane.”

Umuhanda wa Rwandex gukomeza Prince House – Remera uri mu mihanda Ikigo cy’Abashinwa ‘China Road Bridge Corporation’ cyatsindiye kwagura i Kigali, aho ugomba guhabwa ibice bine aho kuba bibiri nkuko wari umeze.

Iyi modoka yagonganye n'indi y'ikompanyi y'abashinwa bari gukora umuhanda
Nta muntu wigeze ugirira ikibazo muri iyi mpanuka
Abantu bahise bahagera ari benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza