Kwamamaza

Kigali: Hatangiye gushakishwa imibiri y’abazize jenoside ahahoze bariyeri ya Nyabugogo

Yanditswe kuya 31-10-2016 saa 21:56' na IGIHE


Nyuma y’igihe biganirwaho n’inzego zitandukanye, hatangiye igikorwa cyo gushakisha imibiri y’abazize jenoside yakorewe abatutsi mu 1994, bikekwa ko baba barajugunywe ahubatse igaraje ndetse no munsi yaryo, aho hakaba hegereye ahahoze bariyeri ya Nyabugogo.

Ni igikorwa cyari kiyobowe n’ubuyobozi bw’Umurenge wa Kimisagara ku bufatanye n’Akarere ka Nyarugenge, kikaba cyahereye ahari hubatse igaraje ryitwa Acomer, aho abarokotse jenoside bavuga ko hari umutangabuhamya witwa Gakwaya Paul wari wavuze ko hari imibiri yahajugunywe.

Umwe muri bo yatangaje ko uyu mutangabuhamya yasobanuye ko ahacukuwe no munsi yaho, ari ho iyo mibiri ikwiye gushakirwa.

Yagize ati “ Ikibazo dufite ubu ni uko umutangabuhamya werekanaga aho iyo mibiri ishobora kuba iherereye adahari, kandi dufite amakuru y’uko yaba afunze.”

Yakomeje asaba ko hashakishwa aho afungiye akaza akerekana neza aho iyo mibiri iherereye, dore ko yanagaragazaga impungenge z’uko abarimo bashakisha bapfaga gucukura gusa batazi aho bakwiye gushakira.

Umukozi ushinzwe imibereho myiza y’abaturage mu Murenge wa Kimisagara, Odette Mukandahigwa yatangaje ko icyo gikorwa kikiri ku rwego rw’ibanze, ariko kikazakomeza kugeza iyo mibiri ibonetse.

Yagize ati “Hari bamwe mu bagiye batanga ayo makuru bamwe tutarashobora no kubona, hari nk’uri kuvugwa witwa Gakwaya Paul, ari na we bivugwa ko azi ahantu nyaho, ariko mu nama twakoze hamwe n’abacitse ku icumu bagaragaza muri iki gice twashakishirijemo.”

Kugeza ubu ntihazwi umubare w’imibiri irimo gushakishwa, ndetse n’aho gushakira nyakuri ntihazwi, gusa hakaba hatanasobanurwa icyatumye idatangira gushakishwa igihe Gakwaya Paul yatangaga ayo makuru bwa mbere.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved