Kigali: BONANZA Ltd yahembye abanyamahirwe babiri batsindiye amafaranga mu mikino y’amahirwe

Yanditswe na Thamimu Hakizimana
Kuya 25 Nyakanga 2019 saa 11:59
Yasuwe :
0 0

Sosiyete y’Abashinwa izobereye mu bijyanye n’imikino y’amahirwe, BONANZA Ltd, yashyikirije Mutiganda Vincent na Umutuzo Patrick amafaranga batsindiye bari gukina umukino wahawe izina ry’ikiryabarezi.

Aba banyamahirwe bashyikirijwe amafaranga batsindiye ku wa Gatatu, tariki 24 Nyakanga 2019.

Umutuzo Patrick yatsindiye ibihumbi 359 Frw yatsindiye ku wa Gatandatu w’icyumweru gishize mu gihe mugenzi we Mutiganda Vincent yatsindiye 121 200 Frw.

Umutuzo Patrick wiga muri St Joseph i Nyamirambo yabwiye IGIHE ko amafaranga yatsindiye azamufasha cyane mu bijyanye n’imyigire ye.

Yagize ati “Naje mbanza kureba uko abandi bakina mbona batsindiye amafaranga noneho nanjye nibwo nahise nza ndakina mpita ntsindira aya mafaranga arenga ibihumbi 300 Frw nshyizemo igiceri cya 100 Frw.’’

Yakomeje avuga ko nk’umunyeshuri hari ibintu byinshi akenera akabibura ku buryo aya mafaranga yatsindiye azamufasha gukemura ibyo bibazo bitandukanye ajya ahura nabyo.

Umugabo w’abana babiri witwa Mutaganda Vincent na we yavuze ko amafaranga yatsindiye azayashora mu gukodesha ibyuma by’amahirwe kuko yabonye ko bikunzwe cyane.

Yagize ati “Nari nashoye ibihumbi 10 Frw ndakina icyuma kindya 5 Frw nsigarana andi, noneho nibyo nahise nkina byose mbona icyuma kimpereje ibihumbi 121 200 Frw.”

Umuyobozi wungirije wa BONANZA Ltd, Hayes, yavuze ko batanze amafaranga ku banyamahirwe mu kuzuza inshingano za sosiyete.

Yagize ati “Tubahembye aya mafaranga kuko bayakiniye maze bakayatsindira kugira ngo twuzuze inshingano zacu nk’abantu babazaniye imashini kugira ngo natwe tugire uruhare rwacumu iterambere ryabo. Iyo bakinnye bagatsinda tukabaha amafaranga batsindiye.”

Yakomeje yibutsa abakina uyu mukino w’amahirwe ko hari umusoro abatsindiye amafaranga arenga ibihumbi 30 bakurwaho mu rwego rwo gutanga umusanzu wo kubaka igihugu.

Bonanza Trading Ltd ni Ikigo cy’Abashinwa gikora ibikorwa bitandukanye birimo ubucukuzi bw’amabuye y’agaciro, kubaka inyubako n’imikino y’amahirwe.

Bonanza Trading Ltd ifite intego yo gukora ubucuruzi, gushinga inganda bizagira uruhare mu guha Abanyarwanda akazi no kunganira Leta muri gahunda ziteza imbere abaturage n’igihugu.

Mutiganda Vincent na Umutuzo Patrick bahawe amafaranga batsindiye bari gukina ikiryabarezi
Mutiganda Vincent n'Umuyobozi wungirije wa BONANZA Ltd, Hayes wamushyikirije amafaranga yatsindiye
Umutuzo Patrick ari kubara amafaranga yatsindiye mu mikino y'amahirwe
Mutiganda Vincent na Umutuzo Patrick bakimara gushyikirizwa amafaranga batsindiye bari bafite akanyamuneza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza